|
|
 |
| (GMT+08:00)
2007-05-28 11:07:05
|
 |
|
ຈີນພວມເຜີຍແຜ່ລະບອບຮັບປະກັນຊີວິດຕ່ຳສຸດຢູ່ຊົນນະບົດທົ່ວປະເທດ
cri
ຕາມໜັງສືພິມເຢິນມິນຢື້ປ້າວສະບັບຕໍ່ຕ່າງປະເທດ,ກະຊວງການປົກຄອງແລະປະຊາສົງເຄາະຈີນແຈ້ງຂ່າວວ່າ,ຈີນພວມເລັ່ງລັດເຮັດວຽກເຜີຍແຜ່ລະບອບຮັບປະກັນ ຊີວິດຕ່ຳສຸດຢູ່ຊົນນະບົດທົ່ວປະເທດ.ນັບມາຮອດປັດຈຸບັນ,ໃນທົ່ວປະເທດໄດ້ມີ27ແຂວງ ກຳແພງນະຄອນແລະເຂດປົກຄອງຕົນເອງໄດ້ສ້າງ ລະບອບຮັບປະກັນ ຊີວິດຕ່ຳສຸດຂອງຊົນນະບົດຢ່າງຮອບດ້ານແລ້ວ,ອີກ4ເຂດແຂວງ ກໍຈະວາງນະໂຍບາຍແລະວິທີປະຕິບັດ ຂອງຕົນໃນໄວໆນີ້.ລະບອບດັ່ງກ່າວໄດ້ຮັບປະກັນຊີວິດຕ່ຳສຸດຂອງ18ລ້ານ1ແສນ5ໝື່ນຄົນຂອງຊົນນະບົດທົ່ວປະເທດ,ນອກນີ້,ຍັງມີ5ລ້ານ6ແສນ2ໝື່ນ3ພັນຄົນທີ່ທຸກຍາກພິເສດຢູ່ຊົນນະບົດແມ່ນເປົ້າໝາຍທີ່ໄດ້ຮັບການຊ່ວຍເຫຼືອ.
ກະຊວງການປົກຄອງແລະປະຊາສົງເຄາະຈີນກ່າວວ່າ,ກ່ຽວກັບມາດຖານການອຸດໜູນຊາວກະສິກອນຜູ່ທຸກຍາກໃນປັດຈຸບັນ,ນອກຈາກເຂດທີ່ພັດທະນາແລ້ວຢູ່ພາກຕາເວັນອອກທີ່ມີຈຳນວນໜ້ອຍແລ້ວ,ທ້ອງຖິ່ນທົ່ວໄປລ້ວນແຕ່ຈະປະຕິບັດຕາມມາດຖານທີ່ລັດປະກາດໃນແຕ່ລະປີ.ຄຽງຄູ່ກັບລະບອບຮັບປະກັນ ຊີວິດຕ່ຳສຸດຂອງຊົນນະບົດໄດ້ສ້າງຂຶ້ນຢ່າງຮອບດ້ານແລະອຳນາດການປົກຄອງຂັ້ນຕ່າງໆໄດ້ໃຊ້ງົບປະມານໃຫ້ຫຼາຍຂຶ້ນເປັນກ້າວໆ,ລະດັບອຸດໜູນຕົວຈິງທີ່ຊາວກະສິກອນຜູ່ທຸກຍາກຂອງຈີນໄດ້ຮັບນັ້ນຈະຫຼາຍຂຶ້ນເທື່ອລະກ້າວ.
|
|
|
