|
|
 |
| (GMT+08:00)
2007-05-31 11:35:23
|
 |
|
ຈີນຈະເພີ່ມທະວີການປົກປ້ອງສິດແລະຜົນປະໂຫຍດຂອງຜູ້ມີອາຍຸບໍ່ເຖິງກະສຽນ
cri
Author: mo
ຕາມຂ່າວCRI：ໜັງສືພິມເຢິນມິນຢື້ປ້າວຂອງຈີນສະບັບວັນທີ 31 ພຶດສະພານີ້ໄດ້ພິມບົດຄວາມຂອງທ່ານນາງອູອີ ຮອງນາຍົກລັດຖະມົນຕີຈີນ ໂດຍຂຽນວ່າ, ແຕ່ຈີນປະກາດໃຊ້ກົດໝາຍວ່າດ້ວຍການປົກປ້ອງຜູ້ມີອາຍຸບໍ່ເຖິງກະສຽນເມື່ອປີ 1991 ມານີ້, ພາລະກິດປົກປ້ອງສິດແລະຜົນປະໂຫຍດຂອງຜູ້ມີອາຍຸບໍ່ເຖິງກະສຽນຂອງຈີນໄດ້ຮັບຄວາມກ້າວໜ້າຫຼາຍ.
ທ່ານນາງເວົ້າວ່າ, ຈີນໄດ້ປັບປຸງກົດໝາຍດັ່ງກ່າວຢ່າງຮອບດ້ານ, ກົດໝາຍສະບັບປັບປຸງຈະເລີ່ມມີຜົນບັງຄັບໃຊ້ແຕ່ວັນທີ 1 ມິຖຸນາປີນີ້ເປັນຕົ້ນໄປ. ທ່ານນາງເວົ້າວ່າ, ກົດໝາຍສະບັບນີ້ແມ່ນຂອງຂວັນໃນວັນເດັກນ້ອຍສາກົນ 1 ມິຖຸນາທີ່ມອບໃຫ້ເດັກນ້ອຍ 300 ກວ່າລ້ານຄົນໃນທົ່ວປະເທດຈີນ.
ທ່ານນາງອູອີເວົ້າວ່າ, ລັດຖະບານຈີນຈະປົກປ້ອງສິດຮັບການສຶກສາຂອງຜູ້ມີອາຍຸບໍ່ເຖິງກະສຽນຕື່ມອີກ, ປະຕິບັດຂໍ້ກຳນົດໃນດ້ານສາທາລະນະສຸກ, ເຮັດໃຫ້ສະພາບສັງຄົມຂອງຜູ້ມີອາຍຸບໍ່ເຖິງກະສຽນສະອາດຂຶ້ນ, ໂຈມຕີການເຄື່ອນໄຫວຕ້ອງໂທດແລະລະເມີດກົດໝາຍຕ່າງໆເຊັ່ນຈ້າງກຳມະກອນເດັກນ້ອຍ, ຫຼອກຂາຍເດັກນ້ອຍ, ທໍລະມານເດັກນ້ອຍເປັນຕົ້ນ.
ທ່ານນາງອູອີເວົ້າວ່າ, ຈີນກໍຈະໃຊ້ມາດຕະການຢ່າງຕັ້ງໜ້າເພື່ອເພິ່ມທະວີຄວາມຮັກແພງຕໍ່ເດັກນ້ອຍຊົນນະບົດທີ່ພໍ່ແມ່ໄປເຣັດວຽກຢູ່ໃນເມືອງແລະຜູ້ມີອາຍຸບໍ່ເຖິງກະສຽນໃນປະຊາກອນເຄື່ອນທີ່, ເຣັດໃຫ້ເດັກນ້ອຍຊົນນະບົດສາມາດເຕີບໃຫຍ່ຢ່າງແຂງແຮງຄືກັນກັບເດັກນ້ອຍໃນເມືອງ.
|
|
|
