ຕາມ​ຂ່າ​ວສານ​ຊິນ​ຮວາ:ງານ​ສະ​ເໜີ​ນັກທຸລະກິດ​ຈີນທີ່​ຢູ່​ອາ​ຊຽນລົງທຶນ​ໂຄງການ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ​ຄັ້ງ​ທີ5 ກໍ​ຄື​ເວທີ​ປຶກສາ​ຫາລື​ນັກທຸລະກິດ​ຈີນ​ອາຊີ-​ປາຊິ​ຟິກຈະ​ຈັດ​ຂຶ້ນ​ຢູ່​​ເມືອງ​ຄຸນ​ມີ​ງ ​ແຂວງ​ຢຸນນານ ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ,ອົງການ​ປົກຄອງ​ແຂວງ​ຢຸນນານ​ເຜີຍ​ໃຫ້​ຮູ້​ວ່າ,ປັດຈຸບັນ​,​ໄດ້​ມີ​ນັກທຸລະກິດ​ຈີນ​​ຢູ່​ຕ່າງ​ປະ​ເທ​ດທີ່​ມີ​ຊື່​ສຽງ​​ເກືອບ300ຄົນຂອງ​ສະມາຊິກ​ອົງການກາ​ນຄ້າ​ຈີນ27​ແຫ່ງ​ໄດ້ສະເໜີ​ເຂົ້າຮ່ວມງານ​ດັ່ງກ່າວແລ້ວ

ນັກ​ທຸລະ​ກິດ​ຈີນ​ທີ່​ສະເໜີ​ເຂົ້າ​ຮ່ວມ​ງານ​ຄັ້ງ​ນີ້​ ສ່ວນຫຼາຍ​ມາ​ຈາກ​ສິງກະ​ໂປ,ມາ​ເລ​ເຊຍ,ອິນ​ໂດ​ເນ​ເຊຍ,ຟິລິບ​ບິນ,ມຽນມາ,ລາວ,ກຳປູ​ເຈຍ,ຍີ່ປຸ່ນ,ອົສຕຼາລີ​​​ເປັນ​ຕົ້ນ.ປັດຈຸບັນ,​ແຂວງ​ຢຸນນານ​ໄດ້​ມີ158​ໂຄງການເພື່ອເຊີນຊວນ​ນັກທຸລະກິດ​ມາລົງທຶນ,ທີ່ກ່ຽວ​ພັນກັບ​ຂົງ​ເຂດ​ຕ່າງ​ໆ ​ເຊັ່ນ,ຄົມ​ມະ​ນາ​ຄົມ,ການ​ຜະລິດ​ຢາຊິ​ວະ​ພາບ,ການ​ທ່ອງ​ທ່ຽວ,ກະສິກຳທັນ​ສະ​ໄໝ,ສິ່ງ​ກໍ່ສ້າງ​ແລະ​ວັດສະດຸ​ກໍ່ສ້າງ,ການ​ຂົນ​ສົ່ງ​ສິນຄ້າ​ທັນ​ສະ​ໄໝ​ແລະ​ການ​ປຸງ​ແຕ່ງອາ​ຫາ​ນ​ເປັນ​ຕົ້ນ.

ງານ​​ແນະນຳ​ນັກທຸລະກິດ​ຈີນທີ່​ຢູ່​ອາ​ຊຽນມາລົງທຶນ​ໂຄງການ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ ກໍ​ຄື​ເວທີ​ປຶກສາ​ຫາລື​ນັກທຸລະກິດ​ຈີນ​ອາຊີ-​ປາຊິ​ຟິກ​ແມ່ນ​ຈັດ​ຂຶ້ນ​ໂດຍຫ້ອງການ​ວຽກ​ງານຊ່າວ​ຈີນ​ຕ່າງ​ດ້າວ​ຂອງ​ລັດຖະບານ​ຈີນ​ແລະ​ອົງການ​ປົກຄອງແຂວງ​ຢຸນນານ,​ແມ່ນ​ເວທີ​ທີ່​ດຶງ​ດູດ​ນັກທຸລະກິ​ດຈີນ​ທີ່​ຢູ່​ອາ​ຊຽນມາລົງທຶນ​ຢູ່​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ.ຕາມ​ສະຖິຕິ,ງານ​​ແນະນຳ4ຄັ້ງ​ຜ່ານ​ມາໄດ້​ເຊັນ​ສັນຍາ​ລົງທຶນ77ສະບັບ​,​ດຶງ​ດູດ​ທຶນ​ຕ່າງປະ​ເທດ​ໄດ້​ເກືອບ300​ລ້ານ​ໂດ​ລາ.