|
ຝ່າຍຈີນຫວັງໃຫ້ແກ້ໄຂບັນຫາທີ່ກ່ຽວຂ້ອງກັບການເຈລະຈາ 6 ຝ່າຍໃຫ້ເໝາະສົມບົນພື້ນຖານທີ່ຄຳນຶງເຖິງຄວາມສົນໃຈຂອງຝ່າຍຕ່າງໆ
cri
ຕາມຂ່າວ CRI: ວັນທີ 31 ພຶດສະພານີ້, ໃນກອງປະຊຸມຖະແຫຼງຂ່າວທີ່ຈັດຂຶ້ນເປັນປະຈຳຢູ່ປັກກິ່ງ, ທ່ານນາງຈ່ຽງອີ້ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນຫວັງໃຫ້ແກ້ໄຂບັນຫາກ່ຽວກັບການເຈລະຈາ 6 ຝ່າຍໃຫ້ເໝາະສົມບົນພື້ນຖານຄຳນຶງເຖິງຄວາມສົນໃຈຂອງຝ່າຍຕ່າງໆ, ເພື່ອເລີ່ມປະຕິບັດງານໂດຍໄວ, ສືບຕໍ່ຊຸກຍູ້ຂະບວນການເຈລະຈາ 6 ຝ່າຍ.
ທ່ານນາງຈ່ຽງອີ້ແນະນຳວ່າ, ຫວ່າງມໍ່ໆນີ້, ທ່ານອູຕ້າເວີຍ ລັດຖະມົນຕີຊ່ອຍວ່າການກະຊວງການຕ່າງປະເທດຈີນ, ທ່ານເຮີຢ້າເຟີ່ຍ ຜູ້ຊ່ອຍລັດຖະມົນຕີກະຊວງການຕ່າງປະເທດຈີນຕ່າງໄດ້ພົບປະທ່ານກຼິສໂຕເຟິ ອາ ຮິວ ລັດຖະມົນຕີຊ່ອຍວ່າການກະຊວງການຕ່າງປະເທດອາເມລິກາທີ່ມາຢ້ຽມຢາມຈີນ. ສອງຝ່າຍໄດ້ຕັ້ງໜ້າຕີລາຄາຕໍ່ການພົວພັນລະຫວ່າງຈີນກັບອາເມລິກາໃນປະຈຸບັນ, ເຫັນວ່າ, ການເປິກສາຫາລືແລະການຮ່ວມມືກັນໃນຂົງເຂດອັນກວ້າງຂວາງແລະບັນຫາພາກພື້ນທີ່ສຳຄັນໄດ້ບັງເກີດຜົນຫຼາຍ. ສອງຝ່າຍຍິນດີສືບຕໍ່ຍຶດໝັ້ນປະຕິບັດຄວາມເຫັນເປັນເອກະສັນກັນຂອງຜູ້ນຳສອງປະເທດ, ແກ້ໄຂຄວາມເຫັນຂັດກັນຢ່າງເໝາະສົມ, ໂດຍສະເພາະແມ່ນບັນຫາໄຕ້ຫວັນ, ເພີ່ມທະວີການເຈລະຈາ, ການຮ່ວມມືແລະຄວາມໄວ້ເນື້ອເຊື່ອໃຈກັນ, ຊຸກຍູ້ໃຫ້ການພົວພັນການຮ່ວມມືທີ່ມີລັກສະນະສ້າງສັນລະຫວ່າງຈີນກັບອາເມລິກາຂະຫຍາຍຕົວອອກຢ່າງປອດໃສແລະໝັ້ນທ່ຽງ.
|
|
