|
|
 |
| (GMT+08:00)
2007-06-04 20:32:22
|
 |
|
ຈີນຈະວາງມາດຕະການຕ່າງໆຫຼຸດຜ່ອນການລະບາຍອາຍຫ້ອງອຸ່ນ
cri
Author: mo
ຕາມຂ່າວສານຊີນຮວາ: ໂດຍອີງຕາມແຜນການແຫ່ງຊາດຈີນໃນການຮັບມືກັບການປ່ຽນແປງຂອງດິນຟ້າອາກາດ ທີ່ປະກາດໃຊ້ໃນວັນທີ 4 ມິຖຸນາ, ຈີນຈະໃຊ້ມາດຕະການທາງເສດຖະກິດ ການບໍລິຫານ ແລະເຕັກນິກເປັນຕົ້ນ ເພື່ອຫຼຸດຜ່ອນການລະບາຍອາຍຫ້ອງອຸ່ນ, ແລະຍົກສູງຄວາມສາມາດໃຫ້ສອດຄ່ອງກັບການປ່ຽນແປງຂອງດິນຟ້າອາກາດ.
ອີງຕາມແຜນການດັ່ງກ່າວ, ຈີນຈະເພີ່ມທະວີນະໂຍບາຍແລະມາດຕະການທີ່ກ່ຽວຂ້ອງຂອງຂະແໜງການສະໜອງພະລັງງານ, ພັດທະນາໄຟຟ້ານ້ຳຕົກຢ່າງມີລະບຽບບົນພື້ນຖານການອະນຸລັກຊີວະຊາດ, ຖືການພັດທະນາໄຟຟ້ານ້ຳຕົກເປັນມາດຕະການສຳຄັນທີ່ຊຸກຍູ້ໃຫ້ອົງປະກອບພະລັງງານຂອງຈີນຂະຫຍາຍໄປສູ່ທິດສະອາດ.
ນອກນີ້, ຈີນຈະຕັ້ງໜ້າຊຸກຍູ້ການກໍ່ສ້າງໄຟຟ້ານິວເຄຼຍ, ຄ່ອຍໆຍົກສູງມາດຕາສ່ວນຂອງໄຟຟ້ານິວເຄຼຍໃນຍອດປະລິມານການສະໜອງພະລັງງານຂອງຈີນ.
ຕາມແຜນການດັ່ງກ່າວ, ຈີນຈະເພີ່ມທະວີການພັດທະນາແລະເຜີຍແຜ່ເຕັກນິກທີ່ປະຢັດພະລັງງານໃນຂົງເຂດເຫຼັກກ້າ ອຸດສາຫະກຳເຄມີນ້ຳມັນເຊື້ອໄຟ ແລະການກໍ່ສ້າງເປັນຕົ້ນ. ໃນຂະບວນການຜະລິດອຸດສາຫະກຳນັ້ນ, ພັດທະນາເສດຖະກິດແບບໝູນວຽນ, ເດີນຕາມເສັ້ນທາງຫັນເປັນອຸດສາຫະກຳແບບໃໝ່.
|
|
|
