ຕາມ​ຂ່າວCRI,ວັນ​ທີ5​ມິຖຸນາ​ແມ່ນ​ວັນ​ສິ່ງ​ແວດ​ລ້ອມ​ໂລກ.​ໃນ​ກອງ​ພິ​ທີ​ລະ​ລຶກ​ທີ່​ຈັດ​ຂຶ້ນ​ຢູ່​ປັກ​ກິ່ງ​ໃນ​ວັນ​ທີ5​ມິຖຸນາ​ນີ້,ທ່ານ​ໂຈ່ວ​ເສິ່ງ​ສຽນ ຫົວ​ໜ້າ​ກົມ​ໃຫຍ່​ອະ​ນຸ​ລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ກ່າວ​ວ່າ,​ຈີນ​ຈະ​ສືບ​ຕໍ່​ປະ​ຕິ​ບັດ​ນະ​ໂຍ​ບາຍ​ພື້ນ​ຖານ​ຂອງ​ລັດ​ທີ່​ອະ​ນຸ​ລັກ​ສິ່ງ​ແວດ​ລ້ອມ,​ແລະ​ໃຫ້​ຄວາມ​ສຳ​ຄັນ​ຫຼາຍ​ກວ່າ​ເກົ່າ​ແກ່​ການ​ຄວບ​ຄຸມ​ການ​ລະບາຍ​ອາຍ​ເຮືອນ​ແກ້ວ.

ຫົວ​ຂໍ້​ຂອງ​ວັນ​ສິ່ງ​ແວດ​ລ້ອມ​ໂລກ​ປີ​ນີ້​ແມ່ນ​ລານ​ນ້ຳ​ກ້າມ​ລະ​ລາຍ,​ຜົນ​ຮ້າຍ​ຢ້ອນ​ຫຼັງ​ເປັນ​ໜ້າ​ວິຕົກ​ກັງວົນ.ອັນ​ໄດ້​ສ່ອງ​ແສງ​ໃຫ້​ເຫັນ​ປະຊາ​ຄົມ​ໂລກ​ໃຫ້​ຄວາມ​ສົນ​ໃຈ​ໃນ​ລະ​ດັບ​ສູງ​ຕໍ່​ບັນຫາ​ດິນ​ຟ້າ​ອາ​ກາດ​ປ່ຽນ​ແປງ.​ທ່ານ​ໂຈ່​ວ​ເສິ່ງ​ສຽນ​ກ່າວ​ວ່າ,ການ​ປ່ຽນ​ແປງ​ຂອງ​ດິນ​ຟ້າ​ອາ​ກາດ​ໄດ້​ກາຍ​ເປັນ​ໄພ​ຂົ່ມ​ຂູ່​ຕົວ​ຈິງ.​ຈີນ​ຈະ​ເລັ່ງ​ລັດ​ສ້າງ​ແລະ​ປັບ​ປຸງ​ກົດ​ໝາຍ​ທີ່​ກ່ຽວ​ຂ້ອງ​ທີ່​ມີ​ຜົນ​ດີ​ຕໍ່​ການ​ຄວບ​ຄຸມ​ການ​ລະ​ບາຍ​ອາຍ​ເຮືອນ​ແກ້ວ,​ຖື​ການ​ພັດ​ທະ​ນາ​ເຕັກ​ນິກ​​ແລະ​ເສດ​ຖະ​ກິດ​ທີ່​ໃຊ້​ຖ່ານ​ຫີນ​ໜ້ອຍ​ນັ້ນ​ເປັນ​ຈຸດ​ໜັກ,​ດຳ​ເນີນ​ການ​ຮ່ວມ​ມື​ກັບ​ຕ່າງປະ​ເທດ​ຢ່າງ​ກວ້າງ​ຂວາງ,​ແລະ​ບຸກ​ເບີກ​ຊ່ອງ​ທາງ​ໃໝ່​ເພື່ອ​ການ​ພັດ​ທະ​ນາ.