ຕາມ​ຂ່າ​ວ​ສານ​ຊິນ​ຮວາ:ວັນ​ທີ5​ມິຖຸນາ​ນີ້,ຢູ່​ທີ່​ເຊ​ລີ​ເບ​ກາ​ວັນ,ນາງ​ທົງ​ສຽວ​ລີງ ເອກ​ອັກຄະ​ລັດຖະທູດ​ຈີນ​ປະຈຳ​ບຼູ​ໄນ​ກ່າວ​ວ່າ,ການ​ພົວພັນ​ລະຫວ່າງ​ຈີນ​ກັບ​ບຼູ​ໄນ​ແມ່ນ​ແບບຢ່າງທີ່ປະຕິບັດ​ຕໍ່​ກັນ​ຢ່າງ​ສະ​ເໝີ​ພາບລະຫວ່າງ​ປະ​ເທດ​​ໃຫຍ່​ກັບປະ​ເທດ​ນ້ອຍ.

ໃນ​​ເວລາ​ໃຫ້​ສຳພາດ​ຕໍ່​ຄະນະ​ສຳພາດ​ຂອງກິດຈະກຳ"ການ​ເດີນທາງ​ຮ່ວມ​ມື​ຈີນ-​ອາຊ​ຽນ",ນາງທົງ​ສຽວ​ລີງ​​ເວົ້າ​ວ່າ,ນັບ​ແຕ່​ຈີນ​ກັບ​ບຼູ​ໄນ​ສ້າງສາ​ຍສຳພັນ​ທາງ​ການ​ທູດ15​ປີ​ມາ​ນີ້,ການ​ພົວພັນ​ລະຫວ່າງ​ສອງ​ປະ​ເທດ​ໄດ້​ຂະຫຍາຍຕົວ​ຢ່າງ​ວ່ອງ​ໄວ.​ໃນ​ຕໍ່​ໄປ​ພາຍ​ໜ້າ,ສອງ​ຝ່າຍ​ຈະ​ເພິ່ມທະວີ​ການ​ຮ່ວມ​ມື​ໃນ​ຂົງ​ເຂດ​ພະລັງງານ​ແລະ​ໂທລະ​ຄົມມະນາຄົມ​ເປັນ​ຕົ້ນ,​ແລະ​ຈະ​ສືບ​ຕໍ່​​ເພິ່ມການ​ຮ່ວມ​ມື​ໃນ​ຂົງ​ເຂດສາທາລະນະ​ສຸກ,ການ​ສຶກສາ​ແລະ​ວັດທະນະທຳ​ເປັນ​ຕົ້ນ,​ເຮັດ​ໃຫ້​ພື້ນຖານ​ການ​ຮ່ວມ​ມື​ລະຫວ່າງ​ສອງ​ຝ່າຍ​ໝັ້ນ​ແກ່ນ​ກວ່າ​ເກົ່າ.