|
|
(GMT+08:00)
2007-06-06 16:42:39
|
|
ລັດຖະບານກາງຂອງຈີນສະໜັບສະໜູນຮົງກົງພັດທະນາລະບອບປະຊາທິປະໄຕທີ່ສອດຄ່ອງກັບສະພາບຕົວຈິງຂອງຮົງກົງ
cri
ຕາມຂ່າວCRI,ວັນທີ6ມິຖຸນານີ້,ຢູ່ທີ່ປັກກິ່ງ,ທ່ານອູປາງໂກວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວເນັ້ນວ່າ,ການສະໜັບສະໜູນເຂດບໍລິຫານພິເສດຮົງກົງພັດທະນາລະບອບປະຊາທິປະໄຕທີ່ສອດຄ່ອງກັບສະພາບຕົວຈິງຂອງຮົງກົງຕາມກົດໝາຍພື້ນຖານແມ່ນຫຼັກໝັ້ນອັນສະເໝີຕົ້ນສະເໝີປາຍຂອງລັດຖະບານກາງຂອງຈີນ.
ໃນງານສົນທະນາເພື່ອລະລຶກກົດໝາຍພື້ນຖານຂອງເຂດບໍລິຫານພິເສດຮົງກົງສາທາລະນະລັດປະຊາຊົນຈີນປະກາດໃຊ້ຄົບຮອບ10ປີ,ທ່ານອູປ່າງໂກວໄດ້ໃຫ້ທັດສະນະດັ່ງກ່າວ.ທ່ານຍັງກ່າວເນັ້ນວ່າ,ລັດຖະບານກາງເດັດດ່ຽວຈະບໍ່ແຊກແຊງວຽກງານພາຍໃນຂອງເຂດປົກຄອງຕົນເອງຂອງເຂດບໍລິຫານພິເສດຮົງກົງ.ລັດຖະບານກາງໄດ້ຖືການສະໜັບສະໜູນການພັດທະນາ,ປົກປັກຮັກສາຄວາມຈະເລີນຮຸ່ງເຮືອງແລະສະຖຽນລະພາບຍາວນານຂອງຮົງກົງແມ່ນທິດທາງແຕ່ຕົ້ນຕະຫຼອດປາຍທີ່ໝັ້ນໜຽວບໍ່ປ່ຽນແປງແລະແມ່ນຈຸດເລີ່ມຕົ້ນ ແຫ່ງການຊຳລະວຽກງານທີ່ກ່ຽວພັນກັບຮົງກົງຕະຫຼອດມາ.
ວັນທີ1ກໍລະກົດປີ1997,ລັດຖະບານຈີນໄດ້ຟື້ນຟູ ອະທິປະໄຕເໜືອຮົງກົງ, ເຂດບໍລິຫານພິເສດຮົງກົງໄດ້ສ້າງຕັ້ງຂຶ້ນ,ເລີ່ມປະຕິ ບັດກົດໝາຍພື້ນຖານ.ອີງຕາມກົດໝາຍສະບັບນີ້,ຮົງກົງໄດ້ກ້າວເຂົ້າສູ່ໄລຍະໃໝ່ທີ່"ປະເທດດຽວມີສອງລະບອບ,ໃຫ້ຊາວຮົງກົງປົກຄອງຮົງກົງ,ແລະປົກຄອງຕົນເອງໃນລະດັບສູງ."
|
|
|