|
ການຄ້າລະຫວ່າງບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງຈີນກັບອາຊຽນພັດທະນາຢ່າງວ່ອງໄວ
cri
ຕາມຂ່າວສານຊິນຮວາ,ໃນເວລາເຈົ້າໜ້າທີ່ການຄ້າຂອງປະເທດອາຊຽນສ່ວນໜຶ່ງແລະຜູ່ວ່າການບໍລິຫານຝ່າຍຕ່າງໆໃນບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງສົນທະນາກັນຢູ່ນະຄອນສາງຊ່າຂອງຈີນໃນຫວ່າງມໍ່ໆນີ້,ພວກທ່ານໄດ້ເປີດເຜີຍຕົວເລກທີ່ສະແດງໃຫ້ເຫັນວ່າ,ການຄ້າລະຫວ່າງບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງກັບອາຊຽນໄດ້ພັດທະນາຢ່າງວ່ອງໄວ,ເຊິ່ງມີຖານະສຳຄັນໃນການພົວພັນດ້ານເສດຖະກິດການຄ້າລະຫວ່າງຈີນກັບອາຊຽນ.
ທ່ານນາງກົວະອ້ຽນ ທີ່ປຶກສາກົມອາຊີກະຊວງການຕ່າງປະເທດຈີນແຈ້ງໃຫ້ຊາບວ່າ,ປີ2006,ຍອດມູນຄ່າການຄ້າລະຫວ່າງຈີນກັບອາຊຽນໄດ້ມີເຖິງ160ຕື້800ລ້ານໂດລາ,ເພີ່ມຂຶ້ນ15ເທົ່າເມື່ອທຽບກັບ15ປີກ່ອນ.ນັບມາຮອດປັດຈຸບັນ,ນັບລວມແລ້ວ,ອາຊຽນໄດ້ລົງທຶນຢູ່ຈີນ ເຖິງ40ຕື້ກວ່າໂດລາ.
ນອກນີ້,ການຮ່ວມມືດ້ານການທ່ອງທ່ຽວລະຫວ່າງບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງກັບອາຊຽນກໍພັດທະນາໄວຫຼາຍ.ທ່ານນາງກົວະອ້ຽນບອກວ່າ,ປີ2006,ນັກທ່ອງທ່ຽວຂອງສອງຝ່າຍຈີນກັບອາຊຽນໄດ້ໄປມາທ່ອງທ່ຽວເກືອບ7ລ້ານເທື່ອຄົນ.
ບໍລິເວນເຂດສາມລ່ຽມປາກແມ່ນ້ຳຈູ່ຈ່ຽງລວມມີແຂວງກວາງຕຸ້ງ,ແຂວງຟູຈ້ຽນ,ແຂວງຈ່ຽງຊີ,ແຂວງຫູນານ,ແຂວງໄຫຫຼຳ,ແຂວງເຊສວນ,ແຂວງກຸ້ຍໂຈ່ວ,ແຂວງຢຸນນານ,ເຂດປົກຄອງຕົນເອງເຜົ່າຈ້ວງກວາງຊີ,ເຂດບໍລິຫານພິເສດກົງຮົງແລະເຂດບໍລິຫານພິເສດມາກາວ.
|
|
