|
|
 |
| (GMT+08:00)
2007-06-12 17:09:23
|
|
ຢູ່ພາກໃຕ້ຈີນມີ10ລ້ານກວ່າຄົນປະສົບໄພນ້ຳຖ້ວມ
cri
Author: da
ຕາມຂ່າວໜັງສືພິມເຢິນມິນຢື້ປ້າວ:ວັນທີ11ມິຖຸນານີ້ ກະຊວງການປົກຄອງແລະປະຊາສົງເຄາະຈີນແຈ້ງໃຫ້ຊາບວ່າ:ວັນທີ6-9ມິຖຸນາ,ຢູ່ພາກໃຕ້ຈີນບາງແຫ່ງໄດ້ເກີດຝົນຕົກໜັກ,ຈົນພາໃຫ້ເກີດໄພນ້ຳຖ້ວມ ດິນເຈື່ອນໃນລະດັບແຮງ. ຮອດເວລາ18ໂມງວັນທີ11ມິຖຸນາ,ມີ10ລ້ານ6ແສນ3ໝື່ນ8ພັນຄົນປະສົບໄພພິບັດ,ມີຜູ່ເສຍຊີວິດ71ຄົນ,ຫາຍສາບສູນ13ຄົນ.
ໄພນ້ຳຖ້ວມເຮັດໃຫ້ມີຄວາມເສຍຫາຍທາງເສດຖະກິດໂດຍກົງ3ຕື້430ລ້ານຢວນ,ໃນນັ້ນດ້ານການຜະລິດກະສິກຳມີ1ຕື້790ລ້ານຢວນ.
ພາຍຫຼັງເກີດໄພພິບັດແລ້ວ,ເຈົ້າໜ້າທີ່ໃນເຂດປະສົບໄພໄດ້ຈັດຕັ້ງປະຊາຊົນດຳເນີນວຽກງານຕໍ່ຕ້ານໄພແລະກູ້ໄພແລ້ວ.
ວັນທີ11ມິຖຸນາ,ສະພາກາແດງຈີນກໍ່ໄດ້ຮຽກຮ້ອງສະພາກາແດງທຸກສາຂາເອົາໃຈໃສ່ນຳການຊ່ອຍເຫຼືອອັນຮີບດ່ວນຕໍ່ພາກໃຕ້,ສົ່ງວັດຖຸສິ່ງຂອງໄປຊ່ວຍປະຊາຊົນຜູ່ປະສົບໄພໃຫ້ທັນການ.
|
|
|
