|
ນັບແຕ່ເຂົ້າເປັນສະມາຊິກອົງການການຄ້າໂລກມານີ້ຈີນຊຳລະຄະດີລ່ວງລະເມີດສິດກາໝາຍສິນຄ້າເກືອບ2ແສນລາຍ
cri
ຕາມຂ່າວສານຊິນຮວາ,ວັນທີ12ມິຖຸນານີ້,ທ່ານລີຕົ່ງເສິ່ງ ຮອງຫົວໜ້າກົມໃຫຍ່ຄຸ້ມຄອງບໍລິຫານອຸດສາຫະກຳການຄ້າແຫ່ງຊາດຈີນກ່າວວ່າ,ນັບແຕ່ເຂົ້າເປັນສະມາຊິກອົງການການຄ້າໂລກຫຼືWTOມານີ້,ຈີນໄດ້ຊຳລະຄະດີລ່ວງລະເມີດສິດກາໝາຍສິນຄ້າເກືອບ2ແສນລາຍ,ໃນນັ້ນ,ຄະດີທີ່ກ່ຽວພັນກັບຕ່າງປະເທດມີ2ໝື່ນ8ພັນກວ່າລາຍ.
ອົງການຄຸ້ມຄອງບໍລິຫານອຸດສາຫະກຳການຄ້າແຫ່ງຕ່າງໆຂອງຈີນເຊັ່ນປັກກິ່ງ,ຊຽງໄຮ້ແລະທຽນສິນເປັນຕົ້ນໄດ້ໃຊ້ຮູບການທີ່ອອກແຈ້ງການໃນຕະຫຼາດ,ປົກປ້ອງຢ່າງແຂງແຮງຕໍ່ກາໝາຍສິນຄ້າທີ່ມີຊື່ສຽງ40ກວ່າອັນຂອງຫຼາຍວິສາຫະກິດຂອງປະເທດຕ່າງໆເຊັ່ນຝະຣັ່ງ,ສວິສ ອັງກິດແລະເຢຍລະມັນເປັນຕົ້ນ,ຫ້າມບໍ່ໃຫ້ຕະຫຼາດຂາຍເສື້ອຜ້າອາພອນແລະຜະລິດຕະພັນນ້ອຍທັງໝົດຈຳໜ່າຍຜະລິດຕະພັນທີ່ຕິດກາໝາຍສິນຄ້າດັ່ງກ່າວໂດຍບໍ່ໄດ້ຮັບການມອບສິດຈາກຜູ່ມີລິຂະສິດ.
ຈີນຍັງໄດ້ເພີ່ມທະວີການປົກປ້ອງກາໝາຍໂອລິມປິກ.ນັບມາຮອດປັດຈຸບັນ,ກົມກາໝາຍສິນຄ້າຂອງກົມໃຫຍ່ຄຸ້ມຄອງບໍລິຫານອຸດສາຫະກຳການຄ້າແຫ່ງຊາດຈີນໄດ້ບັນທຶກກາໝາຍໂອລົມປິກ69ອັນໄວ້ໃນເອກະສານສຳເນົາ,ໃນນັ້ນ,ໄດ້ຈົດທະບຽນກາໝາຍພິເສດ7ອັນ.
|
|
