|
ຕາມຂ່າວສານຊິນຮວາ,ກອງປະຊຸມສຳມະນາສາກົນກ່ຽວກັບວັດທະນະທຳຕົວເມືອງທີ່ຈັດຂຶ້ນຢູ່ປັກກິ່ງໄດ້ປະກາດຖະແຫຼງການປັກກິ່ງໃນວັນທີ11ມິຖຸນານີ້.
ຖະແຫຼງການຊີ້ອອກວ່າ,ວັດທະນະທຳຕົວເມືອງໃນສະຕະວັດໃໝ່ຄວນສ່ອງແສງໃຫ້ເຫັນຈຸດພິເສດຂອງອາລະຍະທຳດ້ານຊີວະພາບ.ການຫຼຸດຜ່ອນແຮງກົດດັນຂອງການພັດທະນາຕົວເມືອງທີ່ມີຕໍ່ສິ່ງແວດລ້ອມທຳມະຊາດ,ຟື້ນຟູລະບົບຊີວະພາບທີ່ຖືກທຳລາຍແລະບັນລຸຄວາມກົມກຽວກັນລະຫວ່າງມະນຸດກັບທຳມະຊາດແລະລະຫວ່າງຕົວເມືອງກັບຊົນນະບົດນັ້ນຄວນກາຍເປັນຈຸດພື້ນຖານຂອງການພັດທະນາຕົວເມືອງ.
ພ້ອມກັນນັ້ນ,ການພັດທະນາຂອງຕົວເມືອງຄວນສ່ອງແສງຢ່າງເຕັມສ່ວນໃຫ້ເຫັນການສະແຫວງຫາຜົນປະໂຫຍດຂອງຊາວເມືອງສາມັນ.
ເຈົ້າຄອງເມືອງ,ຜູ່ອອກແບບຜັງເມືອງ,ສະຖາປະນິກພ້ອມດ້ວຍບຸກຄົນວົງການຕ່າງໆທີ່ສົນໃຈນຳວັດທະນະທຳຕົວເມືອງ1000ກວ່າຄົນທີ່ມາຈາກ23ປະເທດແລະເຂດແຄວ້ນໄດ້ເຂົ້າຮ່ວມກອງປະຊຸມເທື່ອນີ້.
|
