|
ລັດຖະບານຈີນສະເໜີວ່າ ຕ້ອງປ້ອງກັນບໍ່ໃຫ້ເສດຖະກິດທີ່ເຕີບໂຕອ່າວໄວນັ້ນກາຍເປັນເຕີບໂຕໄວໂພດ
cri
Author: cai
ຕາມຂ່າວສານຊີນຮວາ:ວັນທີ 13 ມິຖຸນານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ນັ່ງເປັນປະທານຈັດກອງປະຊຸມປະຈຳຂອງຄະນະລັດຖະບານຈີນ,ກອງປະຊຸມສະເໜີວ່າ,ຕ້ອງສືບຕໍ່ເພີ່ມທະວີແລະປັບປຸງການດັດສົມມະຫາພາກ,ປ້ອງກັນບໍ່ໃຫ້ເສດຖະກິດທີ່ເຕີບໂຕອ່າວໄວນັ້ນຫັນໄປເຕີບໂຕໄວໂພດ.
ກອງປະຊຸມເຫັນວ່າ,ແຕ່ຕົ້ນປີນີ້ມາ,ເສດຖະກິດໄດ້ສືບຕໍ່ພັດທະນາຢ່າງໜັກແໜ້ນແລະວ່ອງໄວ,ແຕ່ກໍ່ມີບັນຫາພົ້ນເດັ່ນຈຳນວນໜຶ່ງ,ຄື:ອຸດສາຫະກຳເຕີບໂຕອ່າວໄວ,ການຄ້າຂາອອກຫຼາຍກວ່າຂາເຂົ້າຫຼາຍໂພດ,ຄວາມກົດດັນແຮງຂຶ້ນຍ້ອນລາຄາຂຶ້ນ,ແລະສະຖານະການປະຢັດພະລັງງານແລະຫຼຸດການລະບາຍອາຍພິດເຮືອນແກ້ວກໍ່ຂ້ຽວຂາດເປັນຕົ້ນ.
ກອງປະຊຸມປະຈຳຂອງຄະນະລັດຖະບານກ່າວເນັ້ນວ່າ,ຕ້ອງເຮັດໃຫ້ການປະຕິບັດນະໂຍບາຍແລະມາດຕະການຕ່າງໆແລະການດັດສົມຄວບຄຸມມະຫາພາກໝັ້ນທ່ຽງແລະສົມບູນຕື່ມອີກ,ຍຶດໝັ້ນປະຕິບັດນະໂຍບາຍການເງິນແລະນະໂຍບາຍເງິນຕາຢ່າງໜັກແໜ້ນ,ນະໂຍບາຍການເງິນຕ້ອງເພີ່ມຄວາມແຮງໃນການສະໜັບສະໜູນການປັບປຸງອົງປະກອບ,ນະໂຍບາຍເງິນຕາຕ້ອງຮັດແໜ້ນຢ່າງເໝາະສົມແລະໜັກແໜ້ນ,ຊຸກຍູ້ເສດຖະກິດໃຫ້ພັດທະນາຢ່າງສະໝ່ຳສະເໝີແລະອ່າວໄວ.
ກອງປະຊຸມຍັງໄດ້ຫາລືແລະຜ່ານຮັບຮອງດ້ານຫຼັກການຕໍ່"ກົດໝາຍທະນາຍຄວາມຂອງສາທາລະນະລັດປະຊາຊົນຈີນ(ສະບັບຮ່າງ)".
|
|
