|
ກົມການເມືອງສູນກາງພັກກອມມູນິດຈີນຄົ້ນຄວ້າເພີ່ມທະວີການສ້າງສາລະບົບການບໍລິການວັດທະນະທຳສາທາລະນະ
cri
Author: MO
ຕາມຂ່າວສານຊີນຮວາ: ວັນທີ 16 ມິຖຸນານີ້, ກົມການເມືອງສູນກາງພັກກອມມູນິດຈີນໄຂກອງປະຊຸມ, ຄົ້ນຄວ້າເພີ່ມທະວີການສ້າງສາລະບົບການບໍລິການວັດທະນະທຳສາທາລະນະ.
ກອງປະຊຸມຊີ້ອອກວ່າ, ການເພີ່ມທະວີການສ້າງສາລະບົບການບໍລິການວັດທະນະທຳສາທາລະນະ ຈະຖືລັດຖະບານເປັນຜູ້ນຳທາງ, ສົ່ງເສີມສັງຄົມເຂົ້າຮ່ວມຢ່າງຕັ້ງໜ້າ, ຈຸດໜັກການສ້າງສາຈະຢູ່ນຳຂັ້ນຮາກຖານແລະຊົນນະບົດ, ອອກແຮງປັບປຸງຕາໜ່າງບໍລິການວັດທະນະທຳສາທາລະນະຂອງຊົນນະບົດແລະເຂດພາກກາງແລະພາກຕາເວັນຕົກ, ຊຸກຍູ້ການສ້າງສາວັດທະນະທຳໃຫ້ພັດທະນາຢ່າງກົມກຽວກັນກັບການສ້າງສາເສດຖະກິດ ການເມືອງແລະສັງຄົມ.
ກອງປະຊຸມກ່າວເນັ້ນວ່າ, ປັດຈຸບັນ, ຈີນຕ້ອງອອກແຮງເພີ່ມທະວີການສ້າງກິດຈະການວັດທະນະທຳທີ່ເປັນສາທາລະນະເຊັ່ນ: ໃຫ້ທຸກບ້ານມີວິທະຍຸຟັງ ມີໂທລະພາບເບິ່ງ, ຊົມໃຊ້ຊັບພະຍາກອນຂໍ້ມູນຂ່າວສານວັດທະນະທຳຮ່ວມກັນໃນທົ່ວປະເທດ, ສາຍຮູບເງົາຢູ່ຊົນນະບົດ, ການສ້າງຫ້ອງສະໝຸດຊົນນະບົດເປັນຕົ້ນ.
ກອງປະຊຸມຍັງຮຽກຮ້ອງໃຫ້ອຳນາດການປົກຄອງທຸກຂັ້ນເອົາການສ້າງສາລະບົບການບໍລິການວັດທະນະທຳສາທາລະນະໄວ້ຢູ່ໃນຖານະສຳຄັນຂອງວຽກງານທັງໝົດ, ເພີ່ມການລົງທຶນຫຼາຍຂຶ້ນ, ປັບປຸງກົນໄກການລົງທຶນໃຫ້ສົມບູນເປັນຕົ້ນ.
|
|
