|
ມາຮອດທ້າຍປີນີ້ແຜນການ"ຢູລູ້"ຂອງຈີນຈະອົບຮົມແຮງງານຊົນນະບົດເພື່ອໄປເຮັດວຽກຢູ່ຕົວເມືອງເຖິງ3ລ້ານ8ແສນຄົນ
cri
ຕາມຂ່າວCRI,ເມື່ອຮອດທ້າຍປີນີ້,ໂຄງການສັງຄົມທີ່ຊື່ວ່າແຜນການຢູລູ້ຂອງຈີນຈະອົບຮົມແຮງງານຊົນນະບົດທີ່ຢູ່ເຂດທຸກຍາກເພື່ອໃຫ້ໄປເຮັດວຽກຢູ່ໃນຕົວເມືອງເຖິງ3ລ້ານ8ແສນຄົນ.
ງານວາງສະແດງໝາກຜົນຂອງແຜນການຢູລູ້ທີ່ຈັດຂຶ້ນຢູ່ປັກກິ່ງໃນວັນທີ18ມິຖຸນານີ້ໄດ້ເປີດເຜີຍຕົວເລກດັ່ງກ່າວ,ເມື່ອຮອດເວລານັ້ນ,ແຜນການດັ່ງກ່າວຈະຍ້າຍແຮງງານຊົນນະບົດໄປເຮັດວຽກຢູ່ຕົວເມືອງເຖິງ90%ຂຶ້ນໄປ.
ແຜນການ"ຢູລູ້"ແມ່ນໂຄງການສັງຄົມທີ່ລັດນຳພາ,ທາງສັງຄົມມີສ່ວນຮ່ວມ,ດຳເນີນການອົບຮົມຊະນິດຕ່າງໆຕໍ່ປະຊາກອນຜູ່ທຸກຍາກເພື່ອຊຸກຍູ້ໃຫ້ເຂົາເຈົ້າປະກອບອາຊີບຢູ່ຕົວເມືອງແລະເຮັດທຸລະກິດ.ຈີນໄດ້ເລີ່ມປະຕິບັດໂຄງການດັ່ງກ່າວໃນປີ2006,ໂຄງການດັ່ງກ່າວໄດ້ຊ່ວຍເຫຼືອຊາວກະສິກອນໄວໜຸ່ມແລະໄວສະກັນຂອງເຂດທຸກຍາກແກ້ໄຂຄວາມຫຍຸ້ງຍາກໃນການປະກອບອາຊີບແລະເຮັດທຸລະກິດ,ໃນທີ່ສຸດ,ບັນລຸເປົ້າໝາຍທີ່ພັດທະນາການຜະລິດ,ມີລາຍໄດ້ເພີ່ມຂຶ້ນ,ຊຸກຍູ້ການພັດທະນາເສດຖະກິດຂອງເຂດທຸກຍາກ.
|
|
