|
ຕາມຂ່າວCRI:ວັນທີ20ມິຖຸນານີ້,ຢູ່ທີ່ປັກກິ່ງ,ທ່ານໂປຊີລາຍ ລັດຖະມົນຕີວ່າການກະຊວງການຄ້າຈີນກ່າວວ່າ,ຈີນຈະສືບຕໍ່ເສີມຂະຫຍາຍບົດບາດສຳຄັນທີ່ມີລັກສະນະສ້າງສັນໃນການເຈລະຈາຮອບໂດຮາ,ຫວັງໃຫ້ການເຈລະຈາໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
ໃນເວລາພົບປະທ່ານປັສການ ລາມີ ຜູ້ອຳນວຍການໃຫຍ່ອົງການການຄ້າໂລກທີ່ມາຢາມ,ທ່ານໂປຊີລາຍຊີ້ອອກວ່າ,ການເຈລະຈາຮອບໂດຮາມີຜົດດີຕໍ່ການປົວແປງສະພາບທີ່ເສດຖະກິດໂລກພັດທະນາຢ່າງຂາດຄວາມດຸນດຽງນັ້ນໃຫ້ດີຂຶ້ນ,ເຮັດໃຫ້ສະມາຊິກທີ່ພວມພັດທະນາອັນໄພສານໄດ້ຮັບຜົນປະໂຫຍດ.ຍ້ອນພ້ອມກັນນັ້ນ,ການເຈລະຈາກໍ່ຈະຊ່ອຍຊຸກຍູ້ການຄ້າທົ່ວໂລກໃຫ້ເປີດກວ້າງກວ່າເກົ່າ,ໂດຍສະເພາະແມ່ນສ້າງໂອກາດເຂົ້າສູ່ຕະຫຼາດຫຼາຍກວ່າເກົ່າໃຫ້ແກ່ສະມາຊິກພວມພັດທະນາ.
ທ່ານໂປຊີລາຍກ່າວລື້ມວ່າ,ຈີນແມ່ນປະເທດໃຫຍ່ທີ່ພວມພັດທະນາທີ່ມີຊາວກະສິກອນ700ລ້ານກວ່າຄົນ.ເມື່ອໄດ້ເຂົ້າຮ່ວມອົງການWTOແລ້ວ,ຈີນໄດ້ເປີດປະຕູໃນຂົງເຂດກະສິກຳຢ່າງຫຼວງຫຼາຍອີງຕາມຄຳໝັ້ນສັນຍາ,ໃນການເຈລະຈາຮອດນີ້,ຄວາມເອົາໃຈໃສ່ພິເສດຕໍ່ຜະລິດຕະພັນກະສິກຳຂອງຝ່າຍຈີນຄວນໄດ້ຮັບຄວາມຮັບປະກັນ,ນີ້ກໍ່ສອດຄ່ອງກັບຈິດໃຈທີ່ກ່ຽວຂ້ອງຂອງວາລະປະຊຸມການພັດທະນາໂດຮາໃຫ້ຄວາມເອົາໃຈໃສ່ພິເສດຕໍ່ຜະລິດຕະພັນສ່ວນໜຶ່ງຂອງປະເທດສະມາຊິກພວມພັດທະນາ.
ທ່ານລາມີກ່າວວ່າ,ນັບແຕ່ຈີນເຂົ້ຮ່ວມອົງການWTOມານີ້,ໄດ້ເສີນຂະຫຍາຍບົດບາດນັບມື້ນັບສຳຄັນໃນເສດຖະກິດໂລກແລະອົງການWTO.ກອງເລຂາອົງການWTOຍ້ອງຍໍຫຼັກໝັ້ນອັນຕັ້ງໜ້າຂອງຈີນໃນການເຈລະຈາຮອບໂດຮາ.ທ່ານກ່າວວ່າ,ຈີນຍັງແມ່ນປະເທດທີ່ພວມພັດທະນາ,ຝ່າຍຈີນໄດ້ໃຊ້ມາດຕະການອັນສຳຄັນໃນການເປີດປະຕູຂອງກະສິກຳ,ທ່ານສະແດງຄວາມເຂົ້າໃຈຕໍ່ຄວາມເອົາໃຈໃສ່ພິເສດຂອງຈີນທີ່ມີຕໍ່ບັນຫາຜະລິດຕະພັນກະສິກຳ.
|
