|
ຈີນຍິນດີພ້ອມກັບປະຊາຄົມໂລກໃຊ້ມາດຕະການເພື່ອຄວບຄຸມການປ່ອຍທາດອາຍພິດເຮືອນແກ້ວ
cri
ຕາມຂ່າວCRI,ວັນທີ21ມິຖຸນານີ້,ຢູ່ທີ່ປັກກິ່ງ,ທ່ານຊິນກ່າງໂຄສົກກະຊວງການຕ່າງປະເທດຈີນກ່າວວ່າ,ຈີນຍິນດີພ້ອມກັບປະຊາຄົມໂລກໃຊ້ມາດຕະການເພື່ອຄວບຄຸມການປ່ອຍທາດອາຍພິດເຮືອນແກ້ວ.
ໃນງານຖະແຫຼງຂ່າວຂອງກະຊວງການຕ່າງປະເທດຈີນທີ່ຈັດຂຶ້ນໃນມື້ດຽວກັນ,ທ່ານຊິນກ່າງກ່າວວ່າ,ລັດຖະບານຈີນໄດ້ໃຊ້ທ່າທີອັນຈິງຈັງແລະຕັ້ງໜ້າ,ພະຍາຍາມຫຼຸດຜ່ອນການປ່ອຍທາດອາຍພິດເຮືອນແກ້ວ,ພ້ອມ ກັບປະຊາຄົມໂລກພະຍາຍາມແກ້ໄຂບັນຫາໂລກຮ້ອນ.ຈີນໄດ້ໃຊ້ຫຼາຍມາດຕະການເຊິ່ງລວມທັງການປະຢັດພະລັງງານແລະຫຼຸດຜ່ອນການປ່ອຍທາດອາຍພິດເຮືອນແກ້ວ,ເພີ່ມອັດຕາປ່າໄມ້ປົກຫຸ້ມ,ຄວບຄຸມບໍ່ໃຫ້ປະຊາກອນເພີ່ມຂຶ້ນໄວເກີນໄປເປັນຕົ້ນ,ເຊິ່ງມາດຕະການເຫຼົ່ານີ້ມີຜົນດີຕໍ່ການຫຼຸດຜ່ອນການປ່າຍທາດອາຍພິດເຮືອນແກ້ວ.
ທ່ານຊິນກ່າງກ່າວວ່າ,ຈີນແມ່ນປະເທດພວມພັດທະນາທີ່ເສດຖະກິດພັດທະນາຢ່າງວ່ອງໄວ, ການປ່ອຍທາດອາຍພິດເຮືອນແກ້ວໄດ້ເພີ່ມຫຼາຍຂຶ້ນ.ແຕ່ປະຊາຄົມໂລກຄວນປະຕິບັດຕໍ່ບັນຫານີ້ຢ່າງພາວະວິໄສ.ຍ້ອນວ່າຈີນມີປະຊາກອນຫຼວງຫຼາຍ,ສະນັ້ນ,ເມື່ອທຽບກັບຫຼາຍປະເທດໃນໂລກແລ້ວ,ປະລິມານການປ່ອຍທາດອາຍພິດເຮືອນແກ້ວສະເລ່ຍຕາມຫົວຄົນແລ້ວແມ່ນຍັງຕ່ຳຢູ່.
|
|
