|
|
 |
| (GMT+08:00)
2007-06-23 19:38:44
|
 |
|
ຈີນກ່າວວ່າຕ້ອງປ່ຽນແປງສະພາບຂ້ຽວຂາດໃນການປະຢັດພະລັງງານແລະຫຼຸດຜ່ອນການສ້າງມົນລະພິດ
cri
ຕາມຂ່າວສານຊິນຮວາ, ວັນທີ22ມິຖຸນານີ້,ຢູ່ທີ່ປັກກິ່ງ,ທ່ານເຊ້ເຈິ້ນຮວາ ຮອງປະທານຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ,ສະພາບການປະຢັດພະລັງງານແລະຫຼຸດຜ່ອນການສ້າງມົນລະພິດຂອງຈີນຍັງຂ້ຽວຂາດທີ່ສຸດ,ຖ້າວ່າບໍ່ສາມາດປ່ຽນແປງສະພາບດັ່ງກ່າວຢ່າງທັນການໄດ້,ກໍຍາກທີ່ຈະບັນລຸເປົ້າໝາຍລວມທີ່ປະຢັດພະລັງງານແລະຫຼຸດຜ່ອນການສ້າງມົນລະພິດທີ່ກຳນົດໄວ້ໃນແຜນການ5ປີຄັ້ງທີ11ຂອງລັດຖະບານຈີນ.
ທ່ານເຊ້ເຈິ້ນຮວາກ່າວວ່າ,ພາຍໃຕ້ສະພາບການໃນປັດຈຸບັນທີ່ຄວາມຕ້ອງການພາຍໃນຕະຫຼາດຈີນແລະຕ່າງປະເທດມີຫຼວງຫຼາຍພາຍມາກແລະມີເງື່ອນໄຂດີເຊັ່ນທຶນຮອນພຽງພໍເປັນຕົ້ນ, ບາງທ່ອງຖິ່ນມີຄວາມປາຖະໜາຢ່າງແຮງກ້າເພື່ອປະຕິບັດໂຄງການໃໝ່ແລະຍົກສູງຄວາມສາມາດການຜະລິດ.ສະນັ້ນ,ການຜະລິດ,ການສົ່ງອອກສິນຄ້າແລະການລົງທຶນຂອງຂະແໜງການທີ່ສິ້ນເປືອງພະລັງງານແລະສ້າງມົນລະພິດຫຼາຍລ້ວນແຕ່ໄດ້ເພີ່ມຂຶ້ນຢ່າງວ່ອງໄວ,ທັງນີ້ຍ່ອມຈະພາໃຫ້ສິ້ນເປືອງພະລັງງານເພີ່ມຂຶ້ນຢ່າງວ່ອງໄວ.
ທ່ານເຊ້ເຈິ້ນຮວາກ່າວວ່າ,ປັດຈຸບັນ,ຈີນພວມໃຊ້ມາດຕະການປັບປຸງອົງປະກອບເສດຖະກິດ,ອອກແຮງພັດທະນາຂະແໜງການບໍລິການແລະພັດທະນາອຸດສາຫະກຳໄຮເທັກໃນອຸດສາຫະກຳທີສອງ,ພັດທະນາອຸດສາຫະກຳທີ່ສິ້ນເປືອງພະລັງງານໜ້ອຍແລະສ້າງມົນລະພິດໜ້ອຍ,ພ້ອມທັງເພີ່ມຄວາມແຮງໃນການປະລະຂະແໜງການທີ່ສິ້ນເປືອງພະລັງງານຫຼາຍ.
|
|
|
