|
|
 |
| (GMT+08:00)
2007-06-24 20:00:17
|
 |
|
ຈີນຈະຍົກສູງລະດັບຮັບປະກັນຊີວິດຕ່ຳສຸດແລະຄອບຄົວທີ່ທຸກຍາກພິເສດ
cri
ຕາມໜັງສືພິມເຢິນມິນຢື້ປ້າວຂອງຈີນ, ໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ນະຄອນສາງຊຸ່ນ ທາງພາກຕາເວັນອອກສຽງເໜືອຂອງຈີນໃນວັນທີ23ມິຖຸນານີ້,ທ່ານລີເຊຈູ ລັດຖະມົນຕີວ່າການກະຊວງການປົກຄອງແລະປະຊາສົງເຄາະຈີນກ່າວວ່າ,ກະຊວງດັ່າງກ່າວຈະໃຊ້ມາດຕະການຕົວຈິງແລະບັງເກີດຜົນ,ຍົກສູງລະດັບຮັບປະກັນຊີວິດຕ່ຳສຸດແລະຄອບຄົວທີ່ທຸກຍາກພິເສດ.
ຜູ່ຮັບຜິດຊອບທີ່ກ່ຽວຂ້ອງຂອງກົມຮັບປະກັນລະດັບຊີວິດຕ່ຳສຸດກະຊວງການປົກຄອງແລະປະຊາສົງເຄາະຈີນແຈ້ງໃຫ້ຊາບວ່າ,ປັດຈຸບັນ,ພະແນກການປົກຄອງແລະປະຊາສົງເຄາະຂອງທ້ອງຖິ່ນຕ່າງໆພວມຕັ້ງໃຈວິເຄາະຜົນກະທົບຂອງລາຄາອາຫານສຳຮອງເພີ່ມຂຶ້ນທີ່ມີຕໍ່ຄອບຄົວທີ່ໄດ້ຮັບການຮັບປະກັນ ຊີວິດຕ່ຳສຸດ,ແລະໃຊ້ມາດຕະການທີ່ແນໃສ່ສະພາບຕົວຈິງຂອງທ້ອງຖິ່ນ,ຮັບປະກັນບໍ່ໃຫ້ລະດັບຊີວິດການເປັນຢູ່ຂອງຄອບຄົວເຫຼົ່ານີ້ຫຼຸດລົງຍ້ອນລາຄາອາຫານສຳຮອງແພງຂຶ້ນ.ມາດຕະການເຫຼົ່ານີ້ລວມມີ:ປະຕິບັດລະບອບໃຫ້ຄ່າເກື້ອກູນແບບລອຍຕົວຕາມລາຄາເຄື່ອງບໍລິໂພກປະຈຳວັນທີ່ພື້ນຖານແກ່ຄອບຄົວທີ່ເປັນເປົ້າໝາຍຮັບປະກັນ ຊີວິດຕ່ຳສຸດໃນຕົວເມືອງ,ຍົກສູງມາດຖານຮັບປະກັນຊີວິດຕ່ຳສຸດຂອງຕົວເມືອງຢ່າງເໝາະສົມແລະອື່ນໆ.
|
|
|
