|
|
 |
| (GMT+08:00)
2007-06-24 20:14:04
|
|
ມຽນມາເກີດແຜ່ນດິນໄຫວ
cri
ຕາມຂ່າວສານຊິນຮວາ,ຕາມການວັດແທກຂອງຕາໜ່າງສະຖານີວັດແທກແຜ່ນດິນໄຫວຂອງຈີນ,ເວລາ16ໂມງ17ນາທີຂອງວັນທີ23ມິຖຸນານີ້,ມຽນມາໄດ້ເກີດແຜ່ນດິນໄຫວຂັ້ນ5,8ລິກເທີ,ໃຈກາງແຜ່ນດິນໄຫວຫ່າງຈາກກິ່ງແຂວງປົກຄອງຕົນເອງເຜົ່າໄທລື້ສິບສອງພັ່ນນາແຂວງຢຸນນານຈີນພຽງ10ກິໂລແມັດ,ປັດຈຸບັນ,ຍັງບໍ່ທັນມີການລາຍງານຂ່າວກ່ຽວກັບຄົນຕາຍຫຼືບາດເຈັບຂອງຈີນ.
ນອກນີ້,ຕາມການລາຍງານຂອງພະແນກການປົກຄອງແລະປະຊາສົງເຄາະແຂວງຢຸນນານ,ຕາມສະຖິຕິທີ່ນັບມາຮອດເວລາ8ໂມງຂອງວັນທີ24ມິຖຸນານີ້,ແຜ່ນດິນໄຫວເທື່ອນີ້ໄດ້ເຮັດໃຫ້6ໝື່ນ6ພັນຄົນຂອງ11ບ້ານຂອງສິບສອງພັ່ນນາປະສົບໄພ,ເຮືອນຊານສ່ວນໜຶ່ງພັງທະລາຍ, ພື້ນຖານໂຄງລ່າງເຊັ່ນຄົມມະນາຄົມ,ຊົນລະປະທານ,ໄຟຟ້າແລະໂທລະຄົມເປັນຕົ້ນຖືກທຳລາຍສ່ວນໜຶ່ງ.
ປັດຈຸບັນ,ພະແນກການປົກຄອງແລະປະຊາສົງເຄາະແຂວງຢຸນນານໄດ້ຂົນສົ່ງຕູບຜ້າເຕ້ນ500ຜືນໄປຮອດເຂດປະສົບໄພໂດຍດ່ວນແລ້ວ.ຊີວິດພື້ນຖານຂອງປະຊາຊົນໃນເຂດປະສົບໄພໄດ້ຮັບການຈັດວາງເປັນຢ່າງດີ.
|
|
|
