|
ຕາຂ່າວສານຊິນຮວາ,ຕອນຄ່ຳວັນທີ27ມິຖຸນານີ້,ທ່ານຫູຈິນທາວ ປະທານປະເທດຈີນໄດ້ຊົມເບິ່ງງານວາງສະແດງໝາກຜົນຂອງເຂດບໍລິຫານພິເສດຮົງກົງທີ່ສ້າງຕັ້ງຂຶ້ນ10ປີມານີ້ທີ່ຈັດຂຶ້ນຢູ່ປັກກິ່ງ.ທ່ານຫວັງໃຫ້ອຳນາດການປົກຄອງເຂດພິເສດຮົງກົງແລະພີ່ນ້ອງຮ່ວມຊາດຮົງກົງທັງຫຼາຍຮ່ວມກັນພະຍາຍາມສ້າງສາຮົງກົງໃຫ້ດີງາມກວ່າເກົ່າ.
ທ່ານຫູຈິນທາວແລະຜູ່ນຳຈີນທ່ານອື່ນໆໄດ້ຊົມເບິ່ງງານວາງສະແດງໂດຍມີທ່ານເຈິ່ງອິ່ນສວນ ຜູ່ວ່າການເຂດບໍລິຫານພິເສດຮົງກົງເປັນເພື່ອນ.ທ່ານຫູຈິນທາວກ່າວວ່າ,10ປີມານີ້,ຮົງກົງປະຕິບັດທິດທາງ"ປະເທດດຽວ ສອງລະບອບ" ລະບອບສັງຄົມເສດຖະກິດແລະແບບວິທີດຳລົງຊີວິດທີ່ມີຢູ່ເດີມຂອງຮົງກົງບໍ່ໄດ້ປ່ຽນແປງ,ຖານະຂອງຮົງກົງທີ່ເປັນທ່າກ່ຳປັ່ນເສລີ,ໃຈກາງການທະນາຄານ,ການຄ້າແລະການຂົນສົ່ງໃນສາກົນກໍ່ບໍ່ໄດ້ປ່ຽນແປງ,ພ້ອມກັນນັ້ນ,ພີ່ນ້ອງຮ່ວມຊາດຮົງກົງໄດ້ເປັນເຈົ້າບ້ານຄອງເມືອງຢ່າງແທ້ຈິງ,ເສດຖະກິດຂອງຮົງກົງຍິ່ງຈະເລີນຮຸ່ງເຮືອງກວ່າເກົ່າ,ຊີວິການເປັນຢູ່ຂອງປະຊາຊົນໄດ້ຮັບການປັບປຸງໃຫ້ດີຂຶ້ນເລື້ອຍໆ,ປະຊາທິປະໄຕໄດ້ກ້າວໄປໜ້າເປັນກ້າວໆ,ແລະຕິດຕໍ່ພົວພັນກັບແຜ່ນດິນໃຫຍ່ປະເທດຊາດນັບມື້ນັບແໜ້ນແຟ້ນ,ໄດ້ປະກົດມີຄວາມມີຊີວິດຊີວາໃນການພັດທະນາ.
ວັນທີ29ມິຖຸນານີ້,ທ່ານຫູຈິນທາວຈະເດີນທາງໄປຮົງກົງເພື່ອເຂົ້າຮ່ວມກອງປະຊຸມສະເຫຼີມສະຫຼອງຮົງກົງກັບຄືນສູ່ປະເທດຊາດຄົບຮອບ10ປີແລະພິທີຂຶ້ນຮັບຕຳແໜ່ງຂອງອຳນາດການປົກຄອງຊຸດທີ3ຂອງເຂດບໍລິຫານພິເສດກົງຮົງ.
|
