|
ຍົນເຮລິກົບພົນລະເຮືອນທີ່ກ້າວໜ້າກວ່າໝູ່ຂອງຈີນໄດ້ຜ່ານການກວດຮັບແລະໃຊ້ການ
cri
ຕາມໜັງສືພິມເຢິນມິນຢື້ປ້າວຂອງຈີນສະບັບຕໍ່ຕ່າງປະເທດ,ຫວ່າງມໍ່ໆນີ້,ຍົນເຮລິກົບ ພົນລະເຮືອນ H425 ແບບໃໝ່ທີ່ຈີນຄົ້ນຄວ້າຜະລິດເອງໄດ້ຜ່ານການກວດຮັບຂອງຄະນະກຳມະການອຸດສາຫະກຳວິທະຍາສາດເຕັກໂນໂລຊີປ້ອງກັນປະເທດຈີນແລະເລີ່ມໃຊ້ການ.
ຕົວເລກຄາດໝາຍຕ່າງໆຂອງຍົນເຮລິກົບ H425ໄດ້ບັນລຸຈົນກະທັ້ງໄດ້ລື່ນກາຍລະດັບຂອງຍົນເຮລິກົບປະເພດດຽວກັນຂອງໂລກ.ຄວາມໄວການບິນສູງສຸດແມ່ນ280ກິໂລແມັດຕໍ່ຊົ່ວໂມງ,ບັນຈຸນ້ຳໜັກໄດ້4,25ໂຕນ,ແລະບັນຈຸຜູ່ໂດຍສານໄດ້12ຮອດ13ຄົນ.
ຍົນດັ່ງກ່າວແມ່ນຍົນເຮລິກົບພົນລະເຮືອນທີ່ກ້າວໜ້າກວ່າໝູ່ຂອງຈີນໃນປັດຈຸບັນ,ມັນມີຫຼາຍສັບພະຄຸນ,ໂດຍສະເພາະແມ່ນເໝາະສົມໃຊ້ໃນເຂດທີ່ມີພື້ນຖານໂຄງລ່າງທາງໜ້າດິນບໍ່ດີ,ພູມສັນຖານສູງຊັນ,ແລະສິ່ງແວດລ້ອມຂີ້ຮ້າຍ,ສາມາດປະຕິບັດໜ້າທີ່ຫຼາຍດ້ານເຊັ່ນກອບກູ້,ການຂົນສົ່ງຢູ່ເທິງພູພຽງທີ່ສູງກວ່າໜ້ານ້ຳ ທະເລ3000ແມັດ.
|
|
