|
|
 |
| (GMT+08:00)
2007-06-29 11:58:34
|
 |
|
ນະໂຍບາຍ"ປະເທດດຽວ ສອງລະບອບ"ໄດ້ຮັບການປະຕິບັດຢ່າງສຳເລັດຜົນຢູ່ຮົງກົງແມ່ນເລື່ອງຈິງທີ່ໃຜໆກໍຍອມຮັບ
cri
ຕາມຂ່າວສານຊິນຮວາ,ໂດຍແນໃສ່ຕອບໂຕ້ຝ່າຍທີ່ກ່ຽວຂ້ອງຂອງໄຕ້ຫວັນກ່າວຖ້ອຍຄວາມບໍ່ຖືກກັບຄວາມຈິງກ່ຽວກັບນະໂຍບາຍ"ປະເທດດຽວ ສອງລະບອບ"ໃນຫວ່າງມໍ່ໆນີ້.ວັນທີ28ມິຖຸນານີ້,ໂຄສົກພະແນກວຽກງານລະບອບການເມືອງເຂດພິເສດຮົງກົງກ່າວວ່າ, ນະໂຍບາຍ"ປະເທດດຽວ ສອງລະບອບ"ໄດ້ຮັບການປະຕິບັດຢ່າງສຳເລັດຜົນຢູ່ຮົງກົງແມ່ນເລື່ອງຈິງທີ່ຊາວໂລກຍອມຮັບ.
ໂຄສົກຜູ່ນີ້ຊີ້ອອກວ່າ,ປັດຈຸບັນ,ຮົງກົງໄດ້ຮັບການຄັດເລືອກເປັນລະບົບເສດຖະກິດທີ່ເສລີກວ່າໝູ່ໃນໂລກໃນ13ປີລຽນຕິດ.ໃນ10ປີທີ່ຜ່ານມາ,ການຂະຫຍາຍຕົວຂອງປະຊາທິປະໄຕຂອງຮົງກົງໄດ້ມີຄວາມກ້າວໜ້າເມື່ອທຽບກັບໄລຍະທີ່ບໍ່ທັນກັບຄືນສູ່ປະເທດຊາດ.ຮົງກົງຍັງແມ່ນສັງຄົມໜຶ່ງທີ່ປອດໃສ ກວ່າໝູ່ພາຍໃນພາກພື້ນອາຊີເຊິ່ງໄດ້ຮັບການຮັບຮອງໂດຍທົ່ວໄປຈາກປະຊາຄົມໂລກ.
ໂຄສົກຜູ່ນີ້ກ່າວເນັ້ນວ່າ,ເລື່ອງຈິງໄດ້ຢັ້ງຢືນໃຫ້ເຫັນວ່າ,ການປະຕິບັດນະໂຍບາຍ"ປະເທດດຽວ ສອງລະບອບ"ຢ່າງສຳເລັດຜົນນັ້ນມີບົດບາດສຳຄັນຕໍ່ຮົງກົງທີ່ບຸກເບີກຊ່ອງຫວ່າງໃໝ່ເພື່ອການພັດທະນາ.ຕົວຢ່າງຄື ຮົງກົງໄດ້ເຂົ້າຮ່ວມ190ອົງການຈັດຕັ້ງສາກົນທີ່ບໍ່ຈຳກັດແຕ່ປະເທດເຂົ້າເປັນສະມາຊິກໃນນາມຮົງກົງຈີນ,ປັດຈຸບັນ,ໄດ້ມີ134ປະເທດແລະເຂດແຄວ້ນເຫັນດີໃຫ້ຜູ່ຖືໜັງສືເດີນທາງເຂດພິເສດຮົງກົງເຂົ້າເມືອງໂດຍຍົກເວັ້ນວິຊາຫຼືຂໍວິຊາຢູ່ກັບດ່ານ.ສັງຄົມຮົງກົງພ້ອມດ້ວຍປະຊາຊົນຮົງກົງລ້ວນແຕ່ຄອງຄອຍໃຫ້ປະເທດຊາດໂຮມເປັນເອກະພາບກັນໂດຍໄວ,ເມື່ອຮອດເວລານັ້ນ,ໄຕ້ຫວັນກໍຈະມີຊ່ອງທາງແຫ່ງການພັດທະນາໃໝ່ເຊັ່ນດຽວກັນກັບຮົງກົງ.
|
|
|
