|
ຈີນວາງກົດໝາຍວ່າດ້ວຍຂໍ້ຜູກພັນການອອກແຮງງານ, ຍຶດໝັ້ນເນັ້ນໜັກການປົກປ້ອງສິດແລະຜົນປະໂຫຍດຂອງກຳມະກອນ
cri
Author: mo
ຕາມຂ່າວCRI：ຕອນບ່າຍວັນທີ 29 ມິຖຸນານີ້, ກອງປະຊຸມຄັ້ງທີ 28 ຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 10 ໄດ້ລົງຄະແນນສຽງຜ່ານຮັບຮອງກົດໝາຍວ່າດ້ວຍຂໍ້ຜູກພັນການອອກແຮງງານ. ກົດໝາຍຍຶດໝັ້ນເນັ້ນໜັກວັດຖຸປະສົງໃຫ້ວາງກົດໝາຍປົກປ້ອງສິດແລະຜົນປະໂຫຍດທີ່ຊອບກົດໝາຍຂອງຜູ້ອອກແຮງງານ, ຂໍ້ກຳນົດທີ່ກ່ຽວຂ້ອງຈະຊ່ອຍໃຫ້ແກ້ໄຂບັນຫາກັກຫຼືໜ່ວງໜ່ຽວເວລາເບີກເງິນເດືອນໃຫ້ກຳມະກອນ, ພ້ອມທັງສິດແລະຜົນປະໂຫຍດຂອງກຳມະກອນຊາວນາຖືກລ່ວງລ້ຳເປັນຕົ້ນ.
ກົດໝາຍດັ່ງກ່າວຈະເລີ່ມປະຕິບັດແຕ່ວັນທີ 1 ມັງກອນປີໜ້າເປັນຕົ້ນໄປ.
ກົດໝາຍວ່າດ້ວຍຂໍ້ຜູກພັນການອອກແຮງງານທີ່ໄດ້ຮັບຄວາມເອົາໃຈໃສ່ສະບັບນີ້ໄດ້ເຂົ້າສູ່ລະບຽບການນິຕິບັນຍັດເມື່ອທ້າຍປີ 2005, ຮ່າງກົດໝາຍໄດ້ຜ່ານການສຳຫຼວດພິຈາລະນາ 4 ເທື່ອ, ແລະຍັງໄດ້ປະກາດຕໍ່ສັງຄົມ, ຂໍຄວາມເຫັນນຳຝ່າຍຕ່າງໆໄດ້ 1 ແສນ 9 ໝື່ນຂໍ້.
|
|
