ຕາມ​ຂ່າວສານ​ຊິນ​ຮວາ:ນັບ​ແຕ່​ເດືອນ​ກໍລະກົດ​ປີ​ນີ້,ຂະ​ແໜງ​ການບໍ​ລິການ​ການບິນ​ຈີນ​ກັບ6ປະ​ເທດ​ອາຊ​ຽນຈະ​​ເປີດປະ​ຕູຕື່ມ​ອີກ,​ໃນ​ນັ້ນ​4ປະ​ເທດ​ອາຊຽນ​ຈະ​ເປີດປະຕູຕໍ່​ຈີນ​ຢ່າງ​ສິ້ນ​ເຊີງ.ນີ້​​ໝາຍ​ຄວາມ​ວ່າ,ຕະຫຼາດ​ການ​ບິນ​ພົນລະ​ເຮືອນຂອງ​ຈີນ​ກັບ​ອາຊຽນຈະ​ປະກົດ​ມີ​ທ່ວງທ່າ​​ເພິ່ມຂຶ້ນ​ຕື່ມ​ອີກ.

ອີງ​ຕາມ"ອະນຸສັນ​ຍາການ​ຄ້າ​ບໍລິການ​ຂອງ​ສັນຍາ​ຂອບການ​ຮ່ວມ​ມື​ເສດຖະກິດ​ຮອບດ້ານ​ຈີນ-​ອາຊຽນ"ທີ່​ກົມ​ໃຫຍ່​ການບິນ​ພົນລະ​ເຮືອນ​ແຫ່ງ​ຊາດ​ຈີນ​ປະ​ກາດ​​ໃນ​ຫວ່າງ​ມໍ່ໆ​ນີ້,ມຽນມາ​ແລະ​ຫວຽດນາມ​ຈະ​ຍົກ​ເລີກ"ຄວາມ​ຈຳກັດ​ເຂົ້າ​ສູ່​ຕະຫຼາດ"​ແລະ"ຄວາມ​ຈຳກັດ​ສິດທິ​ພົນລະ​ເມືອງ​ຕໍ່"​ການ​ບິນ​ພົນລະ​ເຮືອນ​ຈີນ,ສ່ວນກຳປູ​ເຈຍ,ມາ​ເລ​ເຊຍ,ບຼູ​ໄນ​ແລະ​ສິງກະ​ໂປ,ນອກ​ຈາກ​ຈະ​ຍົກ​ເລີກ​ຄວາມ​ຈຳກັດ​ດັ່ງກ່າວ​ແລ້ວ,ຍັງ​ຈະ​​ເປີດ​ຂົງ​ເຂດ"ການ​ບໍລິການ​ສ້ອມ​ແປງ​ແລະບຳ​ລຸງ​ຮັກສາ​ເຮືອບິນ"​ແລະ"ການຈຳ​ໜ່າຍ​ການ​ບໍລິການ​ຂົນ​ສົ່ງ​ທາງ​ການບິນ"ຕໍ່​ຈີນ​ຢ່າງ​ສິ້ນ​ເຊີງ.ປັດຈຸ​ບັນ,ຈີນ​ໄດ້​ໃຫ້ສິດທິ​ເທົ່າ​ທຽມ​ກັນ​ແກ່ຂະ​ແໜງ​ການ​ບໍລິການ​ການ​ບິນ​ຂອງ​ປະ​ເທດ​ດັ່ງກ່າວ​ນີ້​ແລ້ວ.