|
|
 |
| (GMT+08:00)
2007-07-03 16:15:44
|
 |
|
ຈີນໃຊ້ມາດຕະການລົງໂທດເຂດທີ່ສ້າງມົນລະພິດດ້ານນ້ຳຢ່າງໜັກໜ່ວງ
cri
ຕາມຂ່າວCRI,ວັນທີ3ກໍລະກົດນີ້,ຢູ່ທີ່ປັກກິ່ງ,ທ່ານພານເຢ້ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນຖະແຫຼງວ່າ,ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນຕົກລົງວ່າ,ເລີ່ມແຕ່ວັນທີ3ກໍລະກົດນີ້ເປັນຕົ້ນໄປ,ໃຫ້ຢຸດເຊົາການພິຈາລະນາອະນຸມັດໂຄງການອຸດສາຫະກຳແລະໂຄງການກໍ່ສ້າງທັງໝົດຂອງ13ເຂດ ທີ່ມີການສ້າງມົນລະພິດດ້ານນ້ຳຢ່າງໜັກໜ່ວງຂອງຈີນ,ເພື່ອເປັນການລົງໂທດຕໍ່ການ ລະບາຍສິ່ງໂສໂຄກຢ່າງຜິດກົດໝາຍຂອງວິສາຫະກິດໃນເຂດເຫຼົ່ານີ້.
ຂ່າວແຈ້ງວ່າ,13ເຂດ ທີ່ຖືກລົງໂທດແມ່ນຢູ່ໃນລ້ອງແມ່ນ້ຳ4ສາຍໃຫຍ່ຄືແມ່ນ້ຳຢາງເຊ ແມ່ນ້ຳເຫຼືອງ,ແມ່ນ້ຳຫວາຍເຮີແລະແມ່ນ້ຳຫາຍເຮີ ຂອງຈີນ,ສະພາບມົນລະພິດຂອງແມ່ນ້ຳເຫຼົ່ານີ້ໜັກໜ່ວງທີ່ສຸດ,ໄດ້ຂົ່ມຂູ່ເຖິງສຸຂະພາບທາງກາຍແລະໃຈຂອງປະຊາຊົນທ້ອງຖິ່ນດັ່ງກ່າວ.
ທ່ານພານເຢ້ຊີ້ອອກວ່າ,ເຂດ ເຫຼົ່ານີ້ຄວນປະຕິບັດມາດຕະການ7ອັນກ່ຽວກັບການປົວແປງສິ່ງແວດລ້ອມໃຫ້ດີຂຶ້ນພາຍໃນ3ເດືອນ,ໃນນັ້ນ,ລວມທັງການສ້າງໂຮງງານບຳບັດນ້ຳໂສໂຄກພ້ອມດ້ວຍການກໍ່ສ້າງຕາໜ່າງທໍ່ສົ່ງນ້ຳທີ່ຄົບຊຸດໃນທັນທີ,ປັບໄໝແລະປະຕິບັດມາດຕະການແກ້ໄຂຕໍ່ວິສາຫະກິດທີ່ລະບາຍສິ່ງໂສໂຄກກາຍມາດຕະຖານແລະອື່ນໆ.ຖ້າວ່າພາຍໃນ3ເດືອນຍັງບໍ່ສາມາດສຳເລັດວຽກງານເຫຼົ່ານີ້,ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນຈະບໍ່ຍົກເລີກການລົງໂທດດັ່ງກ່າວ.
|
|
|
