|
ຈີນຈະຊຸກຍູ້ການສ້າງສັງຄົມທີ່ປະຢັດພະລັງງານແລະມີໄມຕີຈິດຕໍ່ສິ່ງແວດລ້ອມ
cri
ຕາມຂ່າວCRI,ວັນທີ4ກໍລະກົດນີ້,ຢູ່ທີ່ປັກກິ່ງ,ທ່ານມາຄາຍ ປະທານຄະນະກຳມະການການພັດທະນາແລະປະຕິຮູບແຫ່ງລັດຈີນກ່າວວ່າ,ຈີນຈະຊຸກຍູ້ການສ້າງສັງຄົມທີ່ປະຢັດພະລັງງານແລະມີໄມຕີຈິດຕໍ່ສິ່ງແວດລ້ອມໂດຍຖືການປະຢັດພະລັງງານແລະຫຼຸດການລະບາຍທາດມົນລະພິດເປັນວຽກງານສຳຄັນ.
ທ່ານມາຄາຍກ່າວວ່າ,ຊັບພະຍາກອນບໍ່ພຽງພໍໂດຍທຽບຖານ,ສິ່ງແວດລ້ອມຊີວະພາບອ່ອນແອແມ່ນສະພາບພື້ນຖານຂອງຈີນ,ພ້ອມກັນນັ້ນ,ຍ້ອນໄດ້ຮັບຜົນກະທົບຈາກປັດໄຈຕ່າງໆເຊັ່ນຮູບການເຕີບໂຕທີ່ຊະຊາຍແລະອົງປະກອບຊີວະພາບບໍ່ສົມເຫດສົມຜົນ,ການພັດທະນາເສດຖະກິດສັງຄົມຂອງຈີນໄດ້ປະເຊີນກັບແຮງກົດດັນນັບມື້ນັບຮ້າຍແຮງຂຶ້ນໃນດ້ານຊັບພະຍາກອນແລະສິ່ງແວດລ້ອມ.ທ່ານຊີ້ອອກວ່າ,ຈີນຈະປ່ຽນແປງທັດສະນະຄະຕິແຫ່ງການພັດທະນາ,ຫັນປ່ຽນຮູບການພັດທະນາ,ໃຫ້ ຮູບການການຜະລິດແລະການບໍລິໂພກທີ່ມີຜົນດີຕໍ່ການປະຢັດພະລັງງານແລະອະນຸລັກສິ່ງແວດລ້ອມນັ້ນເປັນຮູບເປັນຮ່າງຂຶ້ນ,ເດີນຕາມເສັ້ນທາງພັດທະນາໃໝ່ທີ່ສິ້ນເປືອງພະລັງງານໜ້ອຍ,ລະບາຍສິ່ງໂສໂຄກໜ້ອຍ,ແລະພັດທະນາແບບໝູນວຽນແລະຍືນຍົງໄດ້.
|
|
