|
|
 |
| (GMT+08:00)
2007-07-05 17:47:51
|
 |
|
ຈີນຈະສືບຕໍ່ປັບປຸງກົນໄກກາຍເປັນອັດຕາແລກປ່ຽນເງິນຢວນຕາມຫຼັກການ
cri
ຕາມຂ່າວສານຊິນຮວາ,ກອງປະຊຸມສົນທະນາກ່ຽວກັບການເງິນການທະນາຄານລະຫວ່າງຈີນກັບສະຫະພາບເອີລົບຄັ້ງທີ3ໄດ້ຈັດຂຶ້ນຢູ່ສຳນັກງານໃຫຍ່ສະຫະພາບເອີລົບທີ່ບຼຸກູແຊນໃນວັນທີ4ກໍລະກົດນີ້.ພາຍຫຼັງກອງປະຊຸມສິ້ນສຸດລົງ,ໃນຖະແຫຼງການຮ່ວມ,ຄະນະຜູ່ແທນຈີນກ່າວວ່າ,ຈີນຈະສືບຕໍ່ປັບປຸງກົນໄກກາຍເປັນອັດຕາແລກປ່ຽນເງິນຢວນຕາມຫຼັກການທີ່ເປັນເຈົ້າການ,ຄວບຄຸ້ມໄດ້ແລະຄ່ອຍເປັນຄ່ອຍໄປ.
ໃນຂົງເຂດນະໂຍບາຍດ້ານການເງິນແລະເງິນຕາ,ຝ່າຍຈີນໄດ້ໃຫ້ທັດສະນະໃນຖະແຫຼງການຮ່ວມວ່າ,ອີງຕາມສະພາບເສດຖະກິດໃນປັດຈຸບັນ,ລັດຖະບານຈີນຈະສືບຕໍ່ໃຊ້ນະໂຍບາຍເສດຖະກິດມະຫາພາກທີ່ເໝາະສົມ,ເຊິ່ງລວມທັງນະໂຍບາຍການເງິນທີ່ໜັກແໜ້ນແລະນະໂຍບາຍເງິນຕາທີ່ໝັ້ນທ່ຽງແລະກໍ່ມີການເຄັ່ງເຂົ້າໃຫ້ພໍດ້າມພໍດີ,ລົງເລິກສັບຊ້ອນໂຄງປະກອບແລະຫັນປ່ຽນຮູບການເຕີບໂຕຂອງເສດຖະກິດເພື່ອເຮັດໃຫ້ເສດຖະກິດຮັກສາການເຕີບໂຕຢ່າງຕໍ່ເນື່ອງ.
ໃນຖະແຫຼງການຮ່ວມ,ທັງສອງຝ່າຍໄດ້ເປັນເອກະສັນກັນໃຫ້ຄຳໝັ້ນສັນຍາວ່າຈະແກ້ໄຂບັນຫາບໍ່ກ້ຳເກິ່ງກັນຂອງໂລກຢ່າງມີຂັ້ນຕອນ.ຝ່າຍຈີນໃຫ້ຄຳໝັ້ນສັນຍາວ່າຈະສືບຕໍ່ໃຊ້ນະໂຍບາຍເສດຖະກິດທີ່ມີຜົນດີຕໍ່ເສດຖະກິດເຕີບໂຕຢ່າງຕໍ່ເນື່ອງ,ວ່ອງໄວແລະສະໝ່ຳສະເໝີກວ່າເກົ່າ.ສະນັ້ນ,ຝ່າຍຈີນກ່າວເນັ້ນວ່າຈະພະຍາຍາມຊຸກຍູ້ຄວາມຕ້ອງການຢູ່ພາຍໃນປະເທດ.
|
|
|
