|
ເຈົ້າໜ້າທີ່ທະນາຄານກາງຂອງຈີນກ່າວວ່າ ຄວນເພີ່ມທະວີການຮ່ວມມືດ້ານການທະນາຄານລະຫວ່າງປະເທດອາຊີຕາເວັນອອກ ຍົກຄວາມສາມາດຮັບມືກັບວິກິດການການເງິນໃຫ້ສູງຂຶ້ນ
cri
Author: cai
ຕາມຂ່າວສານຊີນຮວາ:ວັນທີ 7 ກໍລະກົດນີ້,ຢູ່ປັກກິ່ງ,ທ່ານນາງອູສຽວລີງ ຮອງຜູ້ວ່າການທະນາຄານປະຊາຊົນຈີນກ່າວວ່າ,ໃນຕໍ່ໜ້ານີ້,ການຮ່ວມມືດ້ານການທະນາຄານໃນພາກພື້ນອາຊີຕາເວັນອອກຄວນເພີ່ມທະວີການປະສານສົມທົບລະຫວ່າງກົນໄກຕ່າງໆ,ຍົກສູງຄວາມສາມາດຮັບມືກັບວິກິດການການເງິນ.
ນາງອູສຽວລີງກ່າວວ່າ,ການຮ່ວມມືດ້ານການທະນາຄານໃນພາກພື້ນອາຊີຕາເວັນອອກຫຼ້າຊ້າແມ່ນມູນເຫດສຳຄັນອັນໜຶ່ງທີ່ພາໃຫ້ເກີດວິກິດການການເງິນອາຊີ,ໃນ 10 ປີມານີ້,ການຮ່ວມມືດ້ານການທະນາຄານລະຫວ່າງປະເທດອາຊີຕາເວັນອອກໄດ້ຮັບການເພີ່ມທະວີ,ການຮ່ວມມືດ້ານການທະນາຄານໃນພາກພື້ນໄດ້ມີການຄືບໜ້າໃນລະດັບແນ່ນອນ,ກົນໄກຮ່ວມມືດ້ານການທະນາຄານໄດ້ຫຼາຍຂຶ້ນ,ພາລະບົດບາດຂອງກົນໄກຮ່ວມມືກໍ່ໄດ້ເພີ່ມຂຶ້ນຢ່າງຫຼວງຫຼາຍ.
ນອກນີ້,ຂ່າວແຈ້ງວ່າ,ໃນມື້ດຽວກັນ,ທ່ານອີ້ກາງ ຜູ້ຊ່ວຍຜູ້ວ່າການທະນາຄານປະຊາຊົນຈີນກ່າວວ່າ,ທະນາຄານກາງຈະໃຊ້ນະໂຍບາຍແລະມາດຕະການສັງລວມຕ່າງໆເຊັ່ນສະໜັບສະໜູນການບໍລິໂພກ ເປີດກວ້າງຄວາມຕ້ອງການພາຍໃນປະເທດ ໄຂຕະຫຼາດຕື່ມອີກ ເພີ່ມສິນຄ້ານຳເຂົ້າ ສົ່ງເສີມແລະຊຸກຍູ້ປະຊາຊົນໄປລົງທຶນຢູ່ຕ່າງປະເທດເປັນຕົ້ນ,ເພື່ອຫຼຸດຜ່ອນສະພາບເກີນດຸນດ້ານລາຍຮັບລາຍຈ່າຍສາກົນ.
ນອກນີ້,ທ່ານຍັງກ່າວວ່າ,ທະນາຄານກາງຈະບູລະນະກົນໄກຈໍ່ຕົວອັດຕາແລກປ່ຽນຂອງເງິນຢວນຈີນໃຫ້ສົມບູນຂຶ້ນຢ່າງບໍ່ຢຸດຢັ້ງ,ຮັກສາໃຫ້ອັດຕາແລກປ່ຽນຂອງເງິນຢວນຈີນໝັ້ນຄົງໂດຍພື້ນຖານໃນລະດັບສົມເຫດສົມຜົນແລະສະໝ່ຳສະເໝີກັນ.
|
|
