|
ໃນ 6 ເດືອນຕົ້ນປີນີ້ ເສດຖະກິດມະຫາພາກຂອງຈີນສືບຕໍ່ຮັກສາທ່ວງທ່າພັດທະນາທີ່ໜັກແໜ້ນແລະວ່ອງໄວໂດຍພື້ນຖານ
cri
Author: cai
ຕາມຂ່າວໜັງສືພິມ"ເຢີນມີນຢື້ປ້າວ":ວັນທີ 9 ກໍລະກົດນີ້,ທ່ານຈູ້ປາວລຽງ ຫົວໜ້ານັກເສດຖະສາດສູນຂໍ້ມູນຂ່າວສານແຫ່ງຊາດຈີນກ່າວວ່າ,ໃນ 6 ເດືອນຕົ້ນປີນີ້,ເສດຖະກິດມະຫາພາກຂອງຈີນໄດ້ສືບຕໍ່ຮັກສາທ່ວງທ່າພັດທະນາທີ່ຂ້ອນຂ້າງໜັກແໜ້ນແລະວ່ອງໄວໃນຫຼາຍປີມານີ້ໂດຍພື້ນຖານ.
ນັບແຕ່ຕົ້ນປີນີ້ມາ,ເສດຖະກິດໂລກໄດ້ເຕີບໂຕຊ້າລົງ,ແຕ່ບໍ່ໄດ້ກະທົບເຖິງເສດຖະກິດຈີນຫຼາຍເກີນໄປ.ການລົງທຶນ ການບໍລິໂພກແລະການຄ້າຂາເຂົ້າຂາອອກຂອງຈີນຍັງຮັກສາການເຕີບໂຕຢ່າງແຂງແຮງ,ລາຍໄດ້ຂອງປະຊາຊົນໃນຕົວເມືອງແລະຊົນນະບົດ ລາຍຮັບດ້ານການເງິນແລະຜົນກຳໄລຂອງວິສາຫະກິດລ້ວນແຕ່ໄດ້ເພີ່ມຂຶ້ນດ້ວຍຈັງຫວະໄວ.ໃນຂະນະດຽວກັນນີ້,ລັດຖະບານຈີນໄດ້ໃຊ້ມາດຕະການດັດສົມມະຫາພາກຢ່າງເປັນລະບົບ,ເພື່ອປ້ອງກັນບໍ່ໃຫ້ເສດຖະກິດເຕີບໂຕຈາກລະດັບອ່າວໄວຫັນໄປສູ່ລະດັບໄວໂພດ.
ທ່ານຈູ້ປາວລຽງກ່າວວ່າ,ທ່ານຍັງເຫັນໄປໃນແງ່ດີຕໍ່ເສດຖະກິດແຫ່ງຊາດໃນ 6 ເດືອນທ້າຍປີນີ້.ພ້ອມກັນນັ້ນ,ທ່ານຊີ້ອອກວ່າ,ໃນການພັດທະນາຂອງເສດຖະກິດຈີນຍັງມີບັນຫາຈຳນວນໜຶ່ງ,ຕົ້ນຕໍແມ່ນສະພາບບໍ່ດຸນດ່ຽງດ້ານລາຍຮັບລາຍຈ່າຍສາກົນຍັງບໍ່ທັນຮັບການປັບປຸງໃຫ້ດີຂຶ້ນ,ການບັນລຸເປົ້າໝາຍປະຢັດພະລັງງານແລະຫຼຸດໜ້ອຍການລະບາຍອາຍເຮືອນແກ້ວນັ້ນຍັງມີຄວາມຫຍຸ້ງຍາກຫຼາຍ.
|
|
