|
|
 |
| (GMT+08:00)
2007-07-10 17:52:44
|
|
ຈີນຈະສະໜອງທຶນສຶກສາ 8 ຕື້ 200 ລ້ານຢວນໃຫ້ນັກຮຽນໂຮງຮຽນວິຊາຊີບຊັ້ນກາງ
cri
ຕາມຂ່າວສານຈີນ: ວັນທີ 9 ກໍລະກົດນີ້, ເຈົ້າໜ້າທີ່ກະຊວງການເງິນຈີນແຈ້ງໃຫ້ນັກຂ່າວຮູ້ວ່າ, ເມື່ອໄຂສົກຮຽນລະດູໃບໄມ້ລົ່ນປີນີ້ແລ້ວ, ການເງິນສູນກາງແລະການເງິນທ້ອງຖິ່ນຈະສະໜອງທຶນສຶກສາ 8 ຕື້ 200 ລ້ານຢວນໃຫ້ນັກຮຽນ ໂຮງຮຽນວິຊາຊີບຊັ້ນກາງ. ສ່ວນປີໜ້າ, ຈຳນວນທຶນສຶກສາຈະເພີ່ມຂຶ້ນເປັນ 16 ຕື້ 400 ລ້ານຢວນ.
ຂະແໜງການອາຊີວະສຶກສາໄດ້ຮັບຜິດຊອບໜ້າທີ່ສ້າງຜູ້ອອກແຮງງານທີ່ມີຄຸນນະພາບສູງເປັນຈຳນວນຫຼວງຫຼາຍ. ຫຼາຍປີມານີ້, ລັດຖະບານຈີນໄດ້ຖືການພັດທະນາຂະແໜງການອາຊີວະສຶກສາເປັນໜຶ່ງໃນຈຸດໜັກວຽກງານການສຶກສາ. ລັດຖະບານຈີນມີແຜນຈະດຶງດູດນັກຮຽນທີ່ດີເດັ່ນຫຼາຍກວ່າເກົ່າເຂົ້າໃນການສຶກສາວິຊາຊີບໂດຍຜ່ານການເພີ່ມຮັບນັກຮຽນອາຊີວະສຶກສາ, ສ້າງລະບົບສະໜອງທຶນສຶກສາໃຫ້ນັກຮຽນໃຫ້ສົມບູນແລະແນະນຳນັກຮຽນທີ່ຄອບຄົວທຸກຍາກມາຮັບການສຶກສາວິຊາຊີບຊັ້ນກາງ.
|
|
|
