|
ຈີນເຫັນວ່າອາເມລິກາກັບມຽນມາດຳເນີນການສົນທະນາໂດຍກົງແມ່ນຕັ້ງໜ້າແລະມີຜົນປະໂຫຍດ
cri
ຕາມຂ່າວCRI,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ12ກໍລະກົດນີ້,ທ່ານຊິນກ່າງໂຄສົກກະຊວງການຕ່າງປະເທດຈີນກ່າວວ່າ,ຈີນເຫັນວ່າ,ອາເມລິກາກັບມຽນມາດຳເນີນການສົນທະນາໂດຍກົງແມ່ນຕັ້ງໜ້າແລະມີຜົນປະໂຫຍດ.
ທ່ານຊິນກ່າງແນະນຳວ່າ,ໃນໄລຍະມໍ່ໆມານີ້,ໂດຍຕອບສະໜອງຕາມຄວາມຮຽກຮ້ອງຂອງອາເມລິກາແລະມຽນມາ,ຝ່າຍຈີນໄດ້ຊ່ວຍຈັດວາງໃຫ້ຜູ່ແທນຂອງອາເມລິກາກັບມຽນມາດຳເນີນການຕິດຕໍ່ພົວພັນກັນຢູ່ປັກກິ່ງ.ທ່ານກ່າວວ່າ,ຝ່າຍຈີນເຫັນວ່າ,ອາເມລິກາແລະມຽນມາດຳເນີນການສົນທະນາໂດຍກົງ,ແລກປ່ຽນຄວາມເຫັນຢ່າງກົງໄປກົງມາກ່ຽວກັບບັນຫາທີ່ສົນໃຈນຳກັນ,ມັນມີຜົນດີຕໍ່ການເພີ່ມຄວາມເຂົ້າໃຈກັນລະຫວ່າງສອງຝ່າຍຕື່ມອີກ,ແມ່ນຕັ້ງໜ້າແລະມີຜົນປະໂຫຍດ.
|
|
