|
5ເດືອນທຳອິດປີນີ້ການປ່ອຍເງິນກູ້ໃຫ້ຂະແໜງການທີ່ສິ້ນເປືອງພະລັງງານຫຼາຍແລະສ້າງມົນລະພິດຫຼາຍຂອງຈີນຄ່ອຍໆໜ້ອຍລົງ
cri
ຕາມຂ່າວສານຊິນຮວາ,ວັນທີ13ກໍລະກົດນີ້, ຄະນະກຳມະການຕິດຕາມຄຸ້ມຄອງຂະແໜງການທະນາຄານຈີນປະກາດວ່າ,ໃນ5ເດືອນທຳອິດປີນີ້,ການປ່ອຍເງິນກູ້ໃຫ້ຂະແໜງການທີ່ສິ້ນເປືອງພະລັງງານຫຼາຍແລະສ້າງມົນລະພິດຫຼາຍຂອງຈີນນັບມື້ນັບໜ້ອຍລົງ.
ໃນທ້າຍເດືອນພຶດສະພາແລ້ວນີ້,ອົງການ ທະນາຄານຕົ້ນຕໍຂອງຈີນໄດ້ປ່ອຍເງິນກູ້ໄລຍະກາງແລະໄລຍະຍາວ 1500ຕື້ຢວນໃຫ້ຂະແໜງການທີ່ສິ້ນເປືອງພະລັງງານຫຼາຍແລະສ້າງມົນລະພິດຫຼາຍເຊັ່ນການປຸງແຕ່ງນ້ຳມັນເຊື້ອໄຟ,ອຸດສາຫະກຳເຄມີ,ອຸປະກອນກໍ່ສ້າງ,ຂາງແລະເຫຼັກກ້າເປັນຕົ້ນ,ໄດ້ເພີ່ມຂຶ້ນ21,8%ເມື່ອທຽບໃສ່ໄລຍະດຽວກັນຂອງປີກາຍ,ຈັງຫວະເຕີບໂຕໄດ້ຫຼຸດລົງ9%ເມື່ອທຽບໃສ່ທ້າຍປີກາຍນີ້.
ຂະແໜງການທີ່ສິ້ນເປືອງພະລັງງານຫຼາຍແລະສ້າງມົນລະພິດຫຼາຍແມ່ນຈຸດໜັກຂອງການດັດສົມຄວບຄຸມມະຫາພາກຂອງຈີນຕະຫຼອດມາ.ທະນາຄານກາງຂອງຈີນຮຽກຮ້ອງໃຫ້ອົງການທະນາຄານຕ່າງໆຢຸດເຊົາການສຳຫຼວດອະນຸມັດປ່ອຍເງິນກູ້ໃຫ້ໂຄງການກໍ່ສ້າງທີ່ສິ້ນເປືອງພະລັງງານຫຼາຍແລະສ້າງມົນລະພິດຫຼາຍທີ່ລັດຄັດຖິ້ມ.
|
|
