ຕາມ​ຂ່າວສານ​ຊິນ​ຮວາ:ວັນ​ທີ14​ກໍລະກົດ​ນີ້,ທ່ານ​ເຫວີຍ​ກ່າງ​ຊຽງ ຮອງ​ຫົວໜ້າພະ​ແນ​ກ​ບຸກຄະລາ​ກອນ​ເຂດ​ປົກຄອງ​ຕົນ​ເອງ​ເຜົ່າ​ຈ້ວງ​ກວາງຊີ​ກ່າວ​ວ່າ,"​ເວທີ​ປາ​ໄສ​ຮ່ວມ​ມື​ພັດທະນາ​ຊັບພະຍາກອນ​ມະນຸດ​ຈີນ-​ອາຊ​ຽນ"ທີ່​ກະຊວງ​ບຸກຄະລາ​ກອນ​ ​ຈີນ​ ກັບ ອົງການ​ປະຊາຊົນ​ປົກຄອງ​ຕົນ​ເອງ​ຂອງເຜົ່າ​ຈ້ວງ​ກວາງຊີ​ຮ່ວມກັນ​​ເປັນ​ເຈົ້າພາບ​ ​ນັ້ນ​ຈະ​ຈັດ​ຂຶ້ນ​ຢູ່​ເຂດ​ກວາງຊີ​ແຕ່​ວັນ​ທີ12ຫາ​ວັນ​ທີ13​ຕຸລາປີ​ນີ້.

ເວທີ​ປາ​ໄສ​ເທື່ອນີ້​ຈະເຊີນ​ເຈົ້າ​ໜ້າ​ທີ່​ພາກສ່ວນ​ບໍລິຫານ​ງານບຸກຄະລາ​ກອນ​ຂອງ​ລັດຖະບານ​ຈີນ​​ແລະ​ບັນດາ​ປະ​ເທດ​ສະມາຊິກ​ອາຊ​ຽນ,ພ້ອມ​ດ້ວຍຜູ່​ຊ່ຽວຊານ​ແລະ​ນັກປາດ​ທີ່ດຳ​ເນີ​ນການ​ຄົ້ນ​ຄວ້າການພັດທະນາ​ຊັບ​ພະ​ຍາກ​ອນມະ​ນຸດ​​ແລະ​ນັກ​ທຸລະ​ກິດ​ທີ່​ມີ​ຊື່ສ​ຽງ​ເຂົ້າ​ຮ່ວມ,​ແລກປ່ຽນບົດຮຽນ​ແລະແບ່ງປັນ​ໝາກຜົນ​ການ​ຄົ້ນ​ຄວ້າຂອງ​ການ​ພັດທະນາ​ຄຸ້ມ​ຄອງ​ຊັບພະຍາກອນ​ມະນຸດ.

ໃນ​ໄລຍະຈັດ​ເວທີ​ປາ​ໄສ​ເທື່ອ​ນີ້,​ເຈົ້າ​ໜ້າ​ທີ່​ພາກສ່ວນ​ບໍລິຫານ​ງານ​ບຸກຄະລາ​ກອນ​​ຂອງ​ລັດ​ຖະບານຈີນ​​ແລະ​ບັນດາ​ປະ​ເທດ​ສະມາຊິກ​ອາຊ​ຽນຍັງ​ຈະ​ຫາລືກັນ​ກ່ຽວ​ກັບ​ຈີນ​​ແລະປະ​ເທດ​ອາຊ​ຽນ​ຮ່ວມ​ມື​ຊັ້ນ​ສູງ​ແລະ​ສ້າງ​ກົນ​ໄກ​ຮ່ວມ​ມື​​ໄລຍະ​ຍາວນານ​.