|
|
 |
| (GMT+08:00)
2007-07-14 20:39:26
|
 |
|
ສະພາບການຕ້ານໄພນ້ຳຖ້ວມແລະກູ້ໄພຂອງຈີນຍັງເຄັ່ງຕຶງຫຼາຍ
cri
Author: da
ຕາມຂ່າວCRI:ໃນຫຼາຍມື້ຂ້າງໜ້າ ສະຖານະການຕ້ານໄພນ້ຳຖ້ວມແລະກູ້ໄພຂອງຈີນອາດຈະຂ້ຽວຂາດກວ່າເກົ່າ. ວັນທີ14ກໍລະກົດນີ້ ສະຖານີອຸຕຸນິຍົມສູນກາງຈີນໄດ້ພະຍາກອນອາກາດວ່າ,ໃນ3ມື້ຂ້າງໜ້າ, ຢູ່ລ້ອງແມ່ນ້ຳຮວຍເຫີ ຍ່ານກາງແລະຍ່ານໃຕ້ແມ່ນ້ຳຢາງເຊ ພ້ອມກັບບາງເຂດພາກຕາເວັນຕົກສຽງໃຕ້ຈະມີຝົນຕົກແຮງ,ບາງແຫ່ງຝົນແຮງຮ່າໃຫຍ່;ອາດຈະເກີດໄພນຳນອງໄຫຼລົງມາແຕ່ເທິງພູ ດິນເຈື່ອນ ດິນຕົມໄຫຼແລະໄພອື່ນໆ.
ນັບມາຮອດວັນທີ12ກໍລະກົດນີ້,24ແຂວງຂອງຈີນເກີດໄພນ້ຳນອງນ້ຳຖ້ວມ,ເຮັດໃຫ້82ລ້ານກວ່າຄົນປະສົບໄພ,ມີຜູ່ເສຍຊີວິດ403ຄົນ,ຫາຍສາບສູນ105ຄົນ, ເສຍຫາຍທາງເສດຖະກິດໂດຍກົງ 31ຕື້ 900ລ້ານຢວນ.
ຫວ່າງມໍ່ໆນີ້,ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ແລະທ່ານເວີນເຈຍປາວ ນາຍົກລັດຖະມົນຕີຈີນໄດ້ຮຽກຮ້ອງໃຫ້ອົງການປົກຄອງທ້ອງຖິ່ນທີ່ກ່ຽວຂ້ອງຖືເອົາການປ້ອງກັນຄວາມປອດໄພຂອງປະຊາຊົນໄວ້ໃນຖານະລຳດັບໜຶ່ງ,ເຮັດວຽກປ້ອງກັນແລະຕ້ານໄພນ້ຳຖ້ວມໃຫ້ດີຢ່າງແທ້ຈິງ.
ປະຈຸບັນ,ລັດຖະບານຈີນໄດ້ເບີກເງິນກູ້ໄພດ່ວນປະມານ400ລ້ານຢວນແລະວັດຖຸກູ້ໄພຫຼາຍງວດ,ໜ່ວຍງານທີ່ອົງການອ້ອມຂ້າມຂອງສູນກາງແຕ່ງໄປເຂດປະສົບໄພແຫ່ງຕ່າງໆກຳລັງຢ້ຽມຢາມປະຊາຊົນຜູ່ປະສົບໄພຢູ່ແຫ່ງຕ່າງໆແລະຊີ້ນຳການກູ້ໄພ.ສະພາກາແດງຈີນກໍຈັດສົ່ງຜ້າຫົ່ມ ຢາດັບເຊື້ອ ຕູບຜ້າເຕັນ ເຂົ້າສານແລະອື່ນໆທີ່ຕົກເປັນເງິນເກືອບ3ລ້ານຢວນໄປຊ່ອຍປະຊາຊົນໃນ6ເຂດແຂວງທີ່ປະສົບໄພຄືເຊສວນແລະຈ່ຽງຊູ່ເປັນຕົ້ນ.
|
|
|
