|
ຈີນຍຸບແລະສັ່ງປິດວິສາຫະກິດລະບາຍມົນລະພິດຢ່າງຜິດກົດໝາຍ19000ກວ່າແຫ່ງ
cri
Author: da
ຕາມຂ່າວສານຊິນຮວາ:ນັບມາຮອດທ້າຍປີ2006, ຈີນໄດ້ປະກາດຍຸບວິສາຫະກິດທີ່ລະບາຍມົນລະພິດຢ່າງຜິດກົດໝາຍ19000ກວ່າແຫ່ງ.
ວັນທີ13ກໍລະກົດນີ້ ຜູ່ຮັບຜິດຊອບທີ່ກ່ຽວຂ້ອງຂອງກະຊວງກວດການຈີນກ່າວຢູ່ເມືອງຕ້າລຽນ ພາກເໜືອຈີນວ່າ,ປີກາຍນີ້,ອົງການກວດການແລະກວດກາວິໄນທຸກຂັ້ນຂອງຈີນໄດ້ປະສານສົມທົບກັບພາກສ່ວນທີ່ກ່ຽວຂ້ອງດຳເນີນການກວດກາສະເພາະ,ໄດ້ສອບສວນແກ້ຄະດີກ່ຽວກັບບັນຫາສິ່ງແວດລ້ອມທີ່ຜິດກົດໝາຍໜຶ່ງແສນກວ່າຄະດີ,ສືບສວນຫາໜ້າທີ່ຂອງ405ຄົນ.
ຕາມໄດ້ຊາບ,ແຕ່ປີ2003ເປັນຕົ້ນມາ, ອົງການກວດການແລະກວດກາວິໄນທຸກຂັ້ນໄດ້ພ້ອມກັນກັບຂະແໜງການອະນຸລັກສິ່ງແວດລ້ອມຈັດການເຄື່ອນໄຫວສະເພາະ5ປີລຽນຕິດ,ໄດ້ໃຊ້ຮູບການຕິດປ້າຍເພື່ອຕິດຕາມການປະຕິບັດງານເປັນຕົ້ນ,ຊຸກຍູ້ໃຫ້ແກ້ໄຂບັນຫາວິສາຫະກິດບໍ່ຖ່ານຫີນແລະອຸດສາຫະກຳແຍກທາດມັງກາແນດ້ວຍໄຟຟ້າເຊື່ອມພິດສິ່ງແວດລ້ອມ,ແລະໄດ້ໄຕ່ສວນລົງໂທດວິສາຫະກິດທີ່ບັນຫາເຊື່ອມພິດສິ່ງແວດລ້ອມ,ເຊັ່ນ,ວິສາຫະກິດໜຶ່ງຂອງແຂວງກ່ານຊູ້ທີ່ລະບາຍສິ່ງເຊື່ອມພິດຢ່າງຜິດກົດໝາຍ,ເຮັດໃຫ້ປະຊາຊົນໃນບໍລີເວນຖືກພິດຊືນ,ຈົນທາດຊືນໃນເລືອດລື່ນກາຍມາດຖານ.
|
|
