|
|
 |
| (GMT+08:00)
2007-07-14 20:57:04
|
 |
|
ບໍລິສັດຂ້າມຊາດພາກັນເພີ່ມທະວີການຄົ້ນຄວ້າພັດທະນາຢູ່ຈີນ
cri
Author: da
ຕາມຂ່າວສານຊິນຮວາ: ບໍລິສັດຂ້າມຊາດພາກັນເພີ່ມທະວີການຄົ້ນຄວ້າພັດທະນາຢູ່ຈີນ,ຕົວເລກສະຖິຕິຫຼ້າສຸດສະແດງໃຫ້ເຫັນວ່າ,ປະຈຸບັນ ສູນຄົ້ນຄວ້າພັດທະນາທີ່ຕ່າງປະເທດລົງທຶນສ້າງຢູ່ຈີນນັ້ນໄດ້ມີປະມານ800ແຫ່ງແລ້ວ.
ສູນພັດທະນາຈີນ IBM ແມ່ນສູນໜຶ່ງໃນ 5 ແຫ່ງຂອງຫ້ອງທົດລອງພັດທະນາຂະໜາດໃຫຍ່ຂອງ IBM ໃນທົ່ວໂລກ,ປະຈຸບັນ,ວຽກງານຄົ້ນຄວ້າພັດທະນາຜະລິດຕະພັນຊອຟແວຕົ້ນຕໍຂອງ IBM ສ່ວນຫຼາຍແມ່ນດຳເນີນຢູ່ຈີນ.
ສະຖາບັນຄົ້ນຄວ້າຊອຟແວອາຊີທີ່ບໍລິສັດໄມໂຄຼຊອຟສ້າງຂຶ້ນຢູ່ປັກກິ່ງ ແມ່ນອົງການຄົ້ນຄວ້າພື້ນຖານພຽງແຫ່ງດຽວຂອງໄມໂຄຼຊອຟຢູ່ພາກພື້ນອາຊີ,ເຕັກນິກຫຼາຍຢ່າງຂອງເຂົາໄດ້ນຳໃຊ້ເຂົ້າໃນການຜະລິດຜະລິດຕະກຳແກນກາງຂອງຊອຟແວແລ້ວ.
ສູນຄົ້ນຄວ້າພັດທະນາທີ່ບໍລິສັດ GE ,ບໍລິສັດໂມໂທໂຣລາແລະບໍລິສັດຊີເມັນສ໌ຕັ້ງຢູ່ຈີນລ້ວນແຕ່ໄດ້ລົງທຶນຄົ້ນຄວ້າພັດທະນາຫຼາຍກວ່າ10ລ້ານໂດລາ.
ບຸກຄົນວົງການນີ້ເຫັນວ່າ,ປະຈຸບັນ ຈີນແມ່ນຕະຫຼາດແຫ່ງໜຶ່ງທີ່ພັດທະນາໄວກວ່າໝູ່ໃນໂລກ,ຕະຫຼາດຈີນມີຄວາມຮຽກຮ້ອງຕ້ອງການນຳໃຊ້ເຕັກນິກໃໝ່ກວ່າໝູ່ ສັບສົນກວ່າໝູ່.ເຕັກນິກແລະຜະລິດຕະພັນຫຼາຍຢ່າງແມ່ນປະດິດອອກມາຢູ່ໃນຕະຫຼາດຈີນ,ແລ້ວລົງໄປໃຫ້ທົ່ວໂລກໃນທີ່ສຸດ.ສະນັ້ນ,ສູນຄົ້ນຄວ້າພັດທະນາຂອງຫຼາຍວິສາຫະກິດຂ້າມຊາດທີ່ຕັ້ງຢູ່ຈີນ,ໄດ້ກາຍເປັນເຄື່ອງບົມເພາະແລະປະດິດສ້າງເຕັກນິກໃໝ່ສຸດແລະຜະລິດຕະພັນໃໝ່ສຸດ.
|
|
|
