|
|
 |
| (GMT+08:00)
2007-07-18 10:01:08
|
 |
|
ກອງປະຊຸມຫົວໜ້າຄະນະຂອງການເຈລະຈາ 6 ຝ່າຍຈະຈັດຂຶ້ນຢູ່ປັກກິ່ງໃນຕອນບ່າຍວັນທີ 18 ກໍລະກົດນີ້
cri
Author: mo
ຕາມຂ່າວສານຊີນຮວາ: ວັນທີ 17 ກໍລະກົດນີ້,ຄະນະຜູ້ແທນຂອງປະເທດຕ່າງໆທີ່ເຂົ້າຮ່ວມການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫລີໄດ້ເດີນທາງມາຮອດປັກກິ່ງທັງໝົດ. ຝ່າຍທີ່ກ່ຽວຂ້ອງເຜີຍໃຫ້ຮູ້ວ່າ, ກອງປະຊຸມຫົວໜ້າຄະນະຈະຈັດຂຶ້ນຢູ່ປັກກິ່ງໃນຕອນບ່າຍວັນທີ 18 ກໍລະກົດນີ້.
ພາຍຫຼັງຜູ້ແທນຂອງ 5 ຝ່າຍຄືສປປເກົາຫລີ ອາເມລິກາ ຣັດເຊຍ ສ.ເກົາຫລີແລະຍີ່ປຸ່ນເດີນທາງມາຮອດແລ້ວລ້ວນແຕ່ກ່າວວ່າ, ໜ້າທີ່ໃຈກາງຂອງກອງປະຊຸມຫົວໜ້າຄະນະເທື່ອນີ້ກໍແມ່ນຜັນຂະຫຍາຍເອກະສານຮ່ວມສະບັບວັນທີ 13 ກຸມພາ. ເນື້ອໃນຕົ້ນຕໍທີ່ຈະຫາລືໃນໄລຍະຕໍ່ໄປແມ່ນເຮັດໃຫ້ສິ່ງກໍ່ສ້າງນິວເຄຼຍຂອງສປປເກົາຫລີບໍ່ມີສັບພະຄຸນຜະລິດອາວຸດນິວເຄຼຍ, ແລະສປປເກົາຫລີແຈ້ງແຜນການນິວເຄຼຍທັງໝົດຂອງເຂົາຢ່າງຮອບດ້ານ.
ໜຶ່ງໃນເບື້ອງຫຼັງທີ່ມີຜົນດີຕໍ່ການໄຂກອງປະຊຸມຫົວໜ້າຄະນະກໍແມ່ນສປປເກົາຫລີໄດ້ຢືນຢັນວ່າໃນຫວ່າງມໍ່ໆນີ້ໄດ້ປິດສິ່ງກໍ່ສ້າງນິວເຄຼຍເຢິ່ງປ່ຽນ.
ຂ່າວແຈ້ງວ່າ, ເມື່ອຝ່າຍຕ່າງໆເດີນທາງມາຮອດປັກກິ່ງແລ້ວໄດ້ດຳເນີນການປຶກສາຫາລືສອງຝ່າຍຢ່າງໃກ້ຊິດ, ຕອນເຊົ້າວັນທີ 18 ກໍລະກົດນີ້ຍັງຈະສືບຕໍ່ແລກປ່ຽນກັນ, ເພື່ອກະກຽມໃຫ້ກອງປະຊຸມຫົວໜ້າຄະນະທີ່ຈະໄຂຂຶ້ນໃນຕອນບ່າຍ.
|
|
|
