|
|
 |
| (GMT+08:00)
2007-07-20 18:12:21
|
 |
|
ອັດກອງປະຊຸມຫົວໜ້າຄະນະຂອງການເຈລະຈາ 6 ຝ່າຍຮອບ 6 ກ່ຽວກັບບັນຫານິວເຄຼຍແຫຼມເກົາຫຼີ
cri
Author: cai
ຕາມຂ່າວສານຊີນຮວາ:ວັນທີ 20 ກໍລະກົດນີ້,ກອງປະຊຸມຫົວໜ້າຄະນະທີ່ເຂົ້າຮ່ວມການເຈລະຈາ 6 ຝ່າຍຮອບ 6 ກ່ຽວກັບບັນຫານິວເຄຼຍແຫຼມເກົາຫຼີທີ່ຈັດຂຶ້ນຢູ່ປັກກິ່ງໄດ້ອັດລົງ.ໃບແຈ້ງຂ່າວທີ່ແຈກຢາຍຫຼັງກອງປະຊຸມຂຽນວ່າ,ຝ່າຍຕ່າງໆໄດ້ມີຄວາມຮັບຮູ້ຄືກັນທີ່ເປັນໂຄງຮ່າງ 4 ຂໍ້ກ່ຽວກັບວຽກງານການເຈລະຈາ 6 ຝ່າຍໄລຍະຕໍ່ໄປ.
ຄວາມຮັບຮູ້ຄືກັນທີ່ເປັນໂຄງຮ່າງ 4 ຂໍ້ແມ່ນ:ຝ່າຍຕ່າງໆກ່າວຢ້ຳວ່າ,ຈະຕັ້ງໃຈປະຕິບັດຄຳໝັ້ນສັນຍາໃນຖະແຫຼງການຮ່ວມ 19 ກັນຍາແລະໃນເອກະສານຮ່ວມ 13 ກຸມພາ.ຝ່າຍສ.ປ.ປ.ເກົາຫຼີກ່າວຢ້ຳວ່າຈະຕັ້ງໃຈປະຕິບັດຕາມຄຳໝັ້ນສັນຍາຂອງຕົນກ່ຽວກັບການລາຍງານແຜນການນິວເຄຼຍຢ່າງຮອບດ້ານແລະເຮັດໃຫ້ສິ່ງກໍ່ສ້າງນິວເຄຼຍທີ່ມີຢູ່ໃນປະຈຸບັນເສື່ອມສະມັດຖະພາບ.ຝ່າຍທີ່ກ່ຽວຂ້ອງຈະໃຫ້ການຊ່ວຍເຫຼືອທາງເສດຖະກິດ ພະລັງງານແລະມະນຸດສະທຳທີ່ມີມູນຄ່າທໍ່ກັບນ້ຳມັນໜັກ 9 ແສນ 5 ໝື່ນໂຕນແກ່ຝ່າຍສ.ປ.ປ.ເກົາຫຼີ.ຝ່າຍຕ່າງໆໃຫ້ຄຳໝັ້ນສັນຍາວ່າ,ຈະປະຕິບັດພັນທະຂອງໃຜລາວທີ່ບົ່ງໄວ້ໃນເອກະສານດັ່ງກ່າວຕາມຫຼັກການ"ການເຄື່ອນໄຫວຕໍ່ການເຄື່ອນໄຫວ".
ຝ່າຍຕ່າງໆເຫັນດີໃຊ້ 3 ບາດກ້າວເຊັ່ນການຈັດກອງປະຊຸມໜ່ວຍງານມາຜັນຂະຫຍາຍໂຄງຮ່າງທີ່ຕົກລົງກັນດັ່ງກ່າວ:ກ່ອນທ້າຍເດືອນສິງຫາປີນີ້,ໃຫ້ 5 ໜ່ວຍງານເຊັ່ນໜ່ວຍງານໃຫ້ແຫຼມເກົາຫຼີປອດນິວເຄຼຍເປັນຕົ້ນແຍກກັນຈັດກອງປະຊຸມ,ຫາລືວິທີຜັນຂະຫຍາຍຄວາມຮັບຮູ້ຄືກັນ.ໃນຕົ້ນເດືອນກັນຍາປີນີ້,ຈະຈັດກອງປະຊຸມໄລຍະ 2 ຂອງການເຈລະຈາ 6 ຝ່າຍຮອບ 6 ຢູ່ປັກກິ່ງ,ວາງແຜນແນວທາງປະຕິບັດຄວາມຮັບຮູ້ຄືກັນດັ່ງກ່າວ.ພາຍຫຼັງກອງປະຊຸມໄລຍະ 2 ຮອບ 6 ແລ້ວ,ຈະຈັດກອງປະຊຸມລັດຖະມົນຕີການຕ່າງປະເທດ 6 ຝ່າຍຢູ່ປັກກິ່ງໂດຍໄວ,ເພື່ອແຈ້ງສະພາບການປະຕິບັດຄວາມຮັບຮູ້ຄືກັນທີ່ກ່ຽວຂ້ອງແລະຫາລືຊ່ອງທາງເພີ່ມທະວີການຮ່ວມມືດ້ານຄວາມປອດໄພຢູ່ອາຊີຕາເວັນອອກສຽງເໜືອ.
|
|
|
