|
|
 |
| (GMT+08:00)
2007-07-21 18:29:09
|
 |
|
ຝ່າຍຈີນເດັດດ່ຽວຄັດຄ້ານອາເມລິກາທີ່ສຳຫຼວດຮ່ວມກັນຕໍ່ຜະລິດຕະພັນສອງຊະນິດຂອງຈີນ
cri
Author: mo
ຕາມຂ່າວສານຊີນຮວາ: ວັນທີ 18 ແລະວັນທີ 19 ກໍລະກົດນີ້, ກະຊວງການຄ້າອາເມລິກາໄດ້ປະກາດວ່າ ເລີ່ມດຳເນີນການສຳຫຼວດຮ່ວມເພື່ອຕ້ານການຂາຍເລແລະຕ້ານການເກື້ອກູນຢ່າງເປັນທາງການຕໍ່ທໍ່ເຫຼັກກ້າບາງຮູບ 4 ຫຼ່ຽມແລະຖົງຖັກປະສົມຂອງຈີນ. ຝ່າຍຈີນຄັດຄ້ານຢ່າງເດັດດ່ຽວຕໍ່ເລື່ອງນີ້.
ວັນທີ 20 ກໍລະກົດນີ້, ຢູ່ທີ່ປັກກິ່ງ, ທ່ານວາງຊີນເຜີຍ ໂຄສົກກະຊວງການຄ້າຈີນກ່າວວ່າ, ອາເມລິກາດຳເນີນການສຳຫຼວດຕ້ານການຂາຍເລແລະຕ້ານການເກື້ອກູນຕໍ່ຜະລິດຕະພັນຈີນຢ່າງລຽນຕິດພາຍໃນເວລາສັ້ນໄດ້ເຮັດໃຫ້ວົງການອຸດສາຫະກຳຈີນບໍ່ພໍໃຈຢ່າງຮຸນແຮງ, ຝ່າຍຈີນໄດ້ຊີ້ແຈງຫຼັກໝັ້ນຕໍ່ການກະທຳທີ່ຜິດພາດຂອງອາເມລິກາໃນສະຖານທີ່ຕ່າງກັນຫຼາຍເທື່ອ.
ທ່ານວາງຊີນເຜີຍກ່າວວ່າ, ການກະທຳຂອງອາເມລິກາໄດ້ຝ່າຝືນການກະທຳຂອງຕົນທີ່ໃຫ້ສານຕັດສິນແລະຮີດເກົ່າທີ່ປະຕິບັດມາຫຼາຍປີແລ້ວ, ທັງລະເມີດກະຕິກາທີ່ກ່ຽວຂ້ອງຂອງອົງການການຄ້າໂລກ, ບໍ່ຫນຳ, ຍັງໄດ້ທຳລາຍການຂະຫຍາຍການພົວພັນເສດຖະກິດການຄ້າລະຫວ່າງຈີນກັບອາເມລິກາຢ່າງກົມກຽວແລະປອດໃສ. ຝ່າຍຈີນສະຫງວນສິດທິອັນຊອບຕາມກົດໝາຍທັງໝົດໃນຖານະເປັນສະມາຊິກອົງການການຄ້າໂລກ.
|
|
|
