|
|
 |
| (GMT+08:00)
2007-07-21 18:38:46
|
 |
|
ຈີນຫວັງໃຫ້ກົມວາງແຜນພະຍາດເອດຂອງສະຫະປະຊາຊາດເພີ່ມທະວີການຮ່ວມມືກັບຈີນ
cri
Author: mo
ຕາມຂ່າວcri: ວັນທີ 20 ກໍລະກົດນີ້, ຢູ່ທີ່ປັກກິ່ງ, ທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນໄດ້ພົບປະກັບທ່ານພີເທີ ພີອົດ ປະທານບໍລິຫານຂອງກົມວາງແຜນພະຍາດເອດສະຫະປະຊາຊາດ.
ທ່ານຢາງເຈສືໄດ້ແນະນຳເຈດຈຳນົງຂອງຈີນໃນບັນຫາປ້ອງກັນແລະປິ່ນປົວພະຍາດເອດ, ແລະຍ້ອງຍໍກົມວາງແຜນພະຍາດເອດຂອງສະຫະປະຊາຊາດທີ່ໄດ້ເສີມຂະຫຍາຍບົດບາດສຳຄັນໃນດ້ານສະກັດກັ້ນບໍ່ໃຫ້ພະຍາດເອດແຜ່ລາມ ຮັບປະກັນສຸຂະພາບແລະຄວາມປອດໄພດ້ານຊີວິດຂອງທົ່ວມວນມະນຸດ, ຫວັງໃຫ້ກົມວາງແຜນພະຍາດເອດຂອງສະຫະປະຊາຊາດເພີ່ມທະວີການຮ່ວມມືກັບປະເທດພວມພັດທະນາເຊັ່ນຈີນເປັນຕົ້ນຕື່ມອີກ.
ທ່ານພີອົດຮູ້ສຶກມີກຳລັງໃຈຕໍ່ຜົນງານທີ່ລັດຖະບານຈີນໄດ້ຮັບໃນຂົງເຂດປ້ອງກັນແລະປິ່ນປົວພະຍາດເອດ, ຂອບໃຈລັດຖະບານຈີນທີ່ໄດ້ສະໜັບສະໜູນຢ່າງແຂງແຮງຕໍ່ວຽກງານຂອງກົມວາງແຜນພະຍາດເອດສະຫະປະຊາຊາດ, ແລະກ່າວວ່າ, ຍິນດີເພີ່ມທະວີການຮ່ວມມືກັບປະເທດພວມພັດທະນາຄືຈີນເປັນຕົ້ນຕື່ມອີກ, ພ້ອມກັນທຳຄວາມພະຍາຍາມເຂົ້າໃນພາລະກິດປ້ອງກັນແລະປິ່ນປົວພະຍາດເອດຂອງທົ່ວໂລກ.
|
|
|
