|
ນາຍົກຈີນກ່າວວ່າ,ການສ້າງລະບອບປະກັນໄພປີ່ນປົວພະຍາດພື້ນຖານຂອງປະຊາຊົນຕົວເມືອງຕ້ອງຍຶດໝັ້ນຫຼັກການສາທາລະນະປະໂຫຍດ
cri
Author: da
ຕາມຂ່າວCRI:ວັນທີ21ກໍລະກົດນີ້ ຢູ່ປັກກິ່ງ ທ່ານເວີນເຈຍປາວ ນາຍົກລັດຖະມົນຕີຈີນກ່າວວ່າ,ການສ້າງລະບອບປະກັນໄພປີ່ນປົວພະຍາດພື້ນຖານຂອງປະຊາຊົນຕົວເມືອງແມ່ນພາກສ່ວນປະກອບທີ່ສຳຄັນຂອງການປະຕິຮູບລະບອບປີ່ນປົວພະຍາດຂອງຈີນ,ຕ້ອງຍຶດໝັ້ນປະຕິບັດຫຼັກການສາທາລະນະປະໂຫຍດໃນດ້ານການອອກແບບແຜນການ ສ້າງລະບອບແລະສ້າງລະບົບ.
ມື້ດຽວກັນ ຢູ່ປັກກິ່ງ ທ່ານເວີນເຈຍປາວໄດ້ສຳຫຼວດຄົ້ນຄວ້າກ່ຽວກັບວຽກງານຊຸກຍູ້ການປະກັນໄພປີ່ນປົວພະຍາດພື້ນຖານຂອງປະຊາຊົນຕົວເມືອງ. ເລີ່ມແຕ່ປີ2001,ປັກກິ່ງກໍໄດ້ດຳເນີນການປະຕິຮູບລະບອບປະກັນໄພປີ່ນປົວພະຍາດພື້ນຖານຂອງພະນັກງານພາລະກອນໃນຕົວເມືອງ,ນັບແຕ່ເດືອນກັນຍາປີນີ້ເປັນຕົ້ນໄປ,ຜູ່ເຖົ້າ ນັກຮຽນແລະເດັກນ້ອຍຂອງປັກກິ່ງທີ່ບໍ່ມີການຮັບປະກັນການປີ່ນປົວພະຍາດ,ຈະສາມາດເຂົ້າຮ່ວມການປະກັນໄພປີ່ນປົວພະຍາດພື້ນຖານຂອງປະຊາຊົນຕົວເມືອງ.
ໃນເວລາສຳຫຼວດ ທ່ານເວີນເຈຍປາວກ່າວວ່າ,ສຳລັບການຊຸກຍູ້ລະບອບປະກັນໄພປີ່ນປົວພະຍາດພື້ນຖານຂອງປະຊາຊົນຕົວເມືອງ,ແຫ່ງຕ່າງໆຕ້ອງຈຳແນກສະພາບຕ່າງກັນ,ປະຕິບັດຕາມສະພາບຕົວຈີງ;ຕ້ອງໂຄສະນາອະທິບາຍຕໍ່ປະຊາຊົນຢ່າງກວ້າງຂວາງ,ລະດົມຄວາມຫ້າວຫັນຂອງຄົນທັງຫຼາຍ;ຕ້ອງຄຸ້ມຄອງກອງທຶນປະກັນໄພຢ່າງເປີດເຜີຍ ໂປ່ງໃສແລະປອດໄພ.
|
|
