|
ຜູ້ຮັບຜິດຊອບຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນແລະຫ້ອງການວຽກງານໄຕ້ຫວັນຂອງລັດຖະບານຈີນຊີ້ອອກວ່າ ການເຄື່ອນໄຫວແບ່ງແຍກຂອງທ່ານເຊີນສຸຍປຽນທີ່ຮ້ອງຂໍເຂົ້າຮ່ວມອົງການສະຫະປະຊາຊາດໃນນາມໄຕ້ຫວັນນັ້ນຈະເສຍໄຊຢ່າງແນ່ນອນ
cri
Author: cai
ຕາມຂ່າວສານຊີນຮວາ:ວັນທີ 24 ກໍລະກົດນີ້,ຜູ້ຮັບຜິດຊອບຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນແລະຫ້ອງການວຽກງານໄຕ້ຫວັນຂອງລັດຖະບານຈີນຊີ້ອອກວ່າ,ການເຄື່ອນໄຫວແບ່ງແຍກຂອງທ່ານເຊີນສຸຍປຽນທີ່ຮ້ອງຂໍເຂົ້າຮ່ວມອົງການສະຫະປະຊາຊາດໃນນາມໄຕ້ຫວັນນັ້ນຈະຕ້ອງເສຍໄຊຢ່າງແນ່ນອນ.
ວັນທີ 19 ກໍລະກົດນີ້,ທ່ານເຊີນສຸຍປຽນໄດ້ຍື່ນອັນທີ່ວ່າໃບຮ້ອງຂໍເຂົ້າຮ່ວມສະຫະປະຊາຊາດໃນນາມໄຕ້ຫວັນໃຫ້ເລຂາທິການໃຫຍ່ອົງການສະຫະປະຊາຊາດ.ສຳນັກເລຂາອົງການສະຫະປະຊາຊາດໄດ້ສົ່ງໃບຮ້ອງຂໍຄືນໃຫ້ທ່ານເຊີນສຸຍປຽນໃນທັນທີຕາມມະຕິເລກ 2758 ຂອງສະມັດຊາໃຫຍ່ສະຫະປະຊາຊາດແລະຫຼັກໝັ້ນຈີນດຽວທີ່ສະຫະປະຊາຊາດໄດ້ຍຶດໝັ້ນຕະຫຼອດມາ. ຜູ້ຮັບຜິດຊອບຫ້ອງການວຽກງານໄຕ້ຫວັນຂອງສູນກາງພັກກອມມູນິດຈີນແລະຫ້ອງການວຽກງານໄຕ້ຫວັນຂອງລັດຖະບານຈີນຊີ້ອອກວ່າ,ຄວາມເປັນຈິງໄດ້ຢັ້ງຢືນໃຫ້ເຫັນວ່າ,ປະຊາຄົມໂລກຮັບຮູ້ໂດຍທົ່ວໄປວ່າ,ໃນໂລກນີ້ມີແຕ່ປະເທດຈີນດຽວ.ການເຄື່ອນໄຫວແບ່ງແຍກທີ່ຮ້ອງຂໍເຂົ້າຮ່ວມສະຫະປະຊາຊາດໃນນາມໄຕ້ຫວັນນັ້ນ,ບໍ່ສາມາດປ່ຽນແປງຄວາມເປັນຈິງທີ່ໄຕ້ຫວັນແມ່ນພາກສ່ວນໜຶ່ງຂອງຜືນແຜ່ນດິນຂອງຈີນ,ແລະກໍ່ບໍ່ສາມາດປ່ຽນແປງຖານະຂອງໄຕ້ຫວັນໃນປະຊາຄົມໂລກ.
|
|
