|
|
 |
| (GMT+08:00)
2007-07-27 11:56:39
|
 |
|
ຈີນຈະສະກັດກັ້ນບໍ່ໃຫ້ເສດຖະກິດເຕີບໂຕຈາກອ່າວໄວເປັນໄວເກີນໄປ
cri
ຕາມຂ່າວສານຊິນຮວາ,ວັນທີ26ກໍລະກົດນີ້,ກົມການເມືອງສູນກາງພັກກອມມູນິດຈີນໄດ້ຈັດກອງປະຊຸມ,ສະເໜີໃຫ້ຖືການສະກັດກັ້ນບໍ່ໃຫ້ເສດຖະກິດເຕີບໂຕຈາກອ່າວໄວເປັນໄວເກີນໄປເປັນໜ້າທີ່ສຳຄັນລຳດັບໜຶ່ງໃນການດັດສົມຄວບຄຸມມະຫາພາກໃນປັດຈຸບັນ.
ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນເປັນປະທານກອງປະຊຸມ.
ທີ່ປະຊຸມເຫັນວ່າ,ນັບແຕ່ຕົ້ນປີນີ້ມາ,ສະພາບລວມຂອງເສດຖະກິດຈີນແມ່ນຢູ່ໃນຂັ້ນດີ,ແຕ່ກໍມີບັນຫາຈຳນວນໜຶ່ງ,ນອກນັ້ນຍັງມີບັນຫາຈຳນວນໜຶ່ງທີ່ກ່ຽວພັນເຖິງຜົນປະໂຫຍດຕົວຈິງຂອງປະຊາຊົນທີ່ລໍຖ້າໃຫ້ແກ້ໄຂໂດຍດ່ວນ.
ທີ່ປະຊຸມຂອງກົມການເມືອງສະເໜີອອກມາວ່າ,ຕ້ອງສຸມໃສ່ຄວບຄຸມບໍ່ໃຫ້ຂະແໜງການທີ່ສິ້ນເປືອງພະລັງງານຫຼາຍ,ລະບາຍສິ່ງມົນລະພິດຫຼາຍແລະມີຄວາມສາມາດການຜະລິດລື່ນຄວາມຕ້ອງການນັ້ນຂະຫຍາຍຕົວແບບຫຼັບຫູຫຼັບຕາ,ພະຍາຍາມຜ່ອນຄາຍຄວາມຂັດແຍ່ງທີ່ການລົງທຶນເພີ່ມຂຶ້ນໄວເກີນໄປ,ການປ່ອຍເງິນກູ້ສິນເຊື່ອຫຼາຍເກີນໄປ,ແລະການຄ້າຂາອອກຫຼາຍກວ່າຂາເຂົ້າຫຼາຍເກີນໄປ.ຕ້ອງຊຸກຍູ້ໃຫ້ກະສິກຳພັດທະນາຢ່າງໝັ້ນທ່ຽງແລະໃຫ້ຊາວກະສິກອນມີລາຍໄດ້ເພີ່ມຂຶ້ນຢ່າງຕໍ່ເນື່ອງ,ແລະຕ້ອງໃຫ້ໝາກຜົນແຫ່ງການພັດທະນາເສດຖະກິດສ່ອງແສງໃຫ້ເຫັນໃນການປັບປຸງຊີວິດການເປັນຢູ່ຂອງປະຊາຊົນໃຫ້ດີກວ່າເກົ່າ.
ທີ່ປະຊຸມຂອງກົມການເມືອງສູນກາງພັກກອມມູນິດຈີນເນັ້ນໜັກວ່າ,ໃນປັດຈຸບັນ,ຕ້ອງກຳວຽກງານປ້ອງກັນໄພທຳມະຊາດແລະຊ່ວຍເຫຼືອຜູ່ປະສົບໄພໃຫ້ດີເປັນພິເສດ,ຈັດວາງການຜະລິດແລະການດຳລົງຊີວິດຂອງປະຊາຊົນຜູ່ປະສົບໄພຢ່າງເໝາະສົມ.
|
|
|
