|
|
 |
| (GMT+08:00)
2007-07-27 17:05:11
|
 |
|
ລາຄາສົ່ງອອກໃບຊາພູເອີຂອງແຂວງຢຸນນານແພງຂຶ້ນ
cri
Author: mo
ຕາມຂ່າວສານຈີນ: ໃນ 6 ເດືອນຕົ້ນປີນີ້, ລາຄາສົ່ງອອກໃບຊາພູເອີຂອງແຂວງຢຸນນານຈີນໄດ້ແພງຂຶ້ນຫຼາຍ, ອາຊຽນກາຍເປັນຕະຫຼາດນຳເຂົ້າໃບຊານີ້ທີ່ໃຫຍ່ກວ່າໝູ່.
ຕາມສະຖິຕິສະແດງໃຫ້ເຫັນວ່າ, ການສົ່ງອອກໃບຊາພູເອີຂອງແຂວງຢຸນນານໃນ 6 ເດືອນຕົ້ນປີນີ້ໄດ້ມີທ່ວງທ່າທີ່ຈຳນວນຫຼຸດລົງແຕ່ລາຄາແພງຂຶ້ນ. ໃນ 6 ເດືອນຕົ້ນປີນີ້, ແຂວງຢຸນນານໄດ້ສົ່ງອອກໃບຊາພູເອີ 810 ໂຕນ, ເຖິງວ່າຈຳນວນຫນ້ອຍກວ່າໄລຍະດຽວກັນຂອງປີກາຍ 30%, ແຕ່ລາຄາພັດແພງຂຶ້ນເກຶອບ 60%.
ຊາພູເອີແມ່ນຊາຊະນິດໜຶ່ງທີ່ມີຊື່ສຽງຂອງຈີນ, ຊາພູເອີຂອງແຂວງຢຸນນານໄດ້ມີຊື່ສຽງຍ້ອນມີສີແດງ ແລະລົດຊາດຫວານ. ປີ 2006, ໄດ້ສົ່ງອອກຊາພູເອີ 2200 ກວ່າໂຕນ, ໄດ້ຮັບຄວາມນິຍົມຊົມຊອບຈາກຮົງກົງ ສ.ເກົາຫລີແລະປະເທດສະມາຊິກອາຊຽນ. ວັນທີ 1 ກໍລະກົດປີນີ້, ແຂວງຢຸນນານເລີ່ມດຳເນີນວຽກງານການນຳໃຊ້ ຄຸ້ມຄອງ ແລະປົກປ້ອງກາໝາຍສິນຄ້າທີ່ຢືນຢັນພູມສັນຖານຂອງ"ຊາພູເອີ"ຢ່າງເປັນທາງການ, ເຊິ່ງເປັນຂີດໝາຍສະແດງໃຫ້ເຫັນວ່າ, ອຸດສາຫະກຳຊາພູເອີທີ່ສືບທອດມາພັນປີແລ້ວນັ້ນໄດ້ເຂົ້າສູ່ໄລຍະໃໝ່ທີ່ອີງໃສ່ຍີ່ຫໍ້ມາເລັ່ງລັດການພັດທະນາ.
|
|
|
