|
|
 |
| (GMT+08:00)
2007-07-30 18:25:30
|
 |
|
ຈີນຄວບຄຸມສິນເຊື່ອຕໍ່ວິສາຫະກິດທີ່ລະເມີດກົດໝາຍດ້ານສິ່ງແວດລ້ອມ
cri
Author: mo
ຕາມຂ່າວCRI: ວັນທີ 30 ກໍລະກົດນີ້ຢູ່ທີ່ປັກກິ່ງ, ທ່ານພ່ານເຢ້ ຮອງຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນປະກາດວ່າ, ຈີນຈະຄວບຄຸມສິນເຊື່ອຕໍ່ວິສາຫະກິດແລະໂຄງການທີ່ບໍ່ສອດຄ່ອງກັບນະໂຍບາຍອຸດສາຫະກຳຂອງລັດແລະລະເມີດກົດໝາຍວ່າດ້ວຍສິ່ງແວດລ້ອມ, ໃຊ້ກົນໄກສິນເຊື່ອໃນດ້ານອະນຸລັກສິ່ງແວດລ້ອມມາສະກັດກັ້ນບໍ່ໃຫ້ອຸດສາຫະກຳທີ່ສິ້ນເປືອງພະລັງງານຫຼາຍແລະເຊື່ອມພິດສິ່ງແວດລ້ອມຫຼາຍນັ້ນຂະຫຍາຍອອກແບບຫຼັບຫູຫຼັບຕາ.
ທ່ານພ່ານເຢ້ເວົ້າວ່າ, ກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນຈະສົ່ງຂໍ້ມູນຂ່າວສານດ້ານອະນຸລັກສິ່ງແວດລ້ອມຂອງວິສາຫະກິດໃຫ້ອົງການການທະນາຄານຮູ້ເປັນປະຈຳ, ຂໍ້ມູນເຫຼົ່ານີ້ຈະຖືກສົ່ງເຂົ້າສາງຂໍ້ມູນພື້ນຖານດ້ານສິນເຊື່ອຂອງວິສາຫະກິດ, ເພື່ອຖືເປັນຫຼັກອ້າງອີງສຳຄັນໃນເວລາທະນາຄານສະໜອງເງິນກູ້ໃຫ້ວິສາຫະກິດ. ທະນາຄານການຄ້າຂອງຈີນຈະຄວບຄຸມຢ່າງເຄັ່ງຄັດໃນເວລາໃຫ້ເງິນກູ້ແກ່ໂຄງການໃໝ່ທີ່ບໍ່ໄດ້ຜ່ານການຕີລາຄາດ້ານສິ່ງແວດລ້ອມແລະວິສາຫະກິດທີ່ເຊື່ອມພິດໜັກໜ່ວງ.
|
|
|
