|
|
 |
| (GMT+08:00)
2007-07-31 11:07:54
|
 |
|
ເຂດປົກຄອງຕົນເອງມົງໂກໃນຈີນກາຍເປັນຕົວຢ່າງສຳເລັດຜົນໃນດ້ານການປົກຄອງຕົນເອງເຂດຊົນເຜົ່າ
cri
Author: da
ຕາມຂ່າວໜັງສືພິມເຢິນມິນຢື້ປ້າວສະບັບຕ່າງປະເທດ: ເຂດປົກຄອງຕົນເອງມົງໂກໃນ ເຊິ່ງເປັນເຂດປົກຄອງຕົນເອງຊົນເຜົ່າລະດັບແຂວງແຫ່ງທຳອິດຂອງຈີນທີ່ສ້າງຕັ້ງຂຶ້ນໃນ60ປີກ່ອນ ໄດ້ຖືກພິສູດໃຫ້ເຫັນວ່າແມ່ນຕົວຢ່າງທີ່ໄດ້ຮັບຜົນສຳເລັດໃນດ້ານການປົກຄອງຕົນເອງເຂດຊົນເຜົ່າ.
ໃນ60ປີມານີ້,ໃນສະພາຜູ່ແທນປະຊາຊົນແລະກອງປະຊຸມປຶກສາຫາລືການເມືອງທຸກຂັ້ນຂອງເຂດມົງໂກໃນລ້ວນແຕ່ມີຜູ່ແທນແລະກຳມະການຊົນເຜົ່າສ່ວນໜ້ອຍ,ຜູ່ຮັບຜິດຊອບບໍລິຫານຂອງທ້ອງຖິ່ນປົກຄອງຕົນເອງຊົນເຜົ່າລ້ວນແຕ່ໃຫ້ປະຊາຊົນຊົນເຜົ່າທີ່ປົກຄອງຕົນເອງດຳລົງຕຳແໜ່ງຕາມຫຼັກການກົດໝາຍ,ປະຊາຊົນຊົນເຜົ່າຕ່າງໆມີສິດຢ່າງເຕັມທີ່ໃນດ້ານເຂົ້າຮ່ວມການຄຸ້ມຄອງວຽກງານແຫ່ງລັດແລະວຽກງານພາຍໃນຊົນເຜົ່າຕົນເອງ.
ທ່ານເຫີເສີງປາວ ຮອງຫົວໜ້າພະແນກສຶກສາທິການເຂດປົກຄອງຕົນເອງກ່າວວ່າ,ໃນເຄິ່ງສະຕະວັດກ່ອນ,ຢູ່ເຂດທົ່ງຫຍ້າລ້ວນແຕ່ແມ່ນຄົນກືກໜັງສື,ປະຈຸບັນ,ເຂດມົງໂກໃນໄດ້ປະຕິບັດການສຶກສາພາກບັງຄັບ9ປີໂດຍທົ່ວໄປແລ້ວ,ນີ້ມີຄວາມໝາຍສຳຄັນທີ່ສຸດ.
ໃນເວລາສ້າງຕັ້ງເຂດປົກຄອງຕົນເອງໃນປີ1947,GDPທົ່ວເຂດມີພຽງ500ລ້ານກວ່າຢວນ,ນັບມາຮອດປີ2006,ໄດ້ບັນລຸເຖິງ479ຕື້ຢວນ;ນັບແຕ່ປີ2000ມານີ້,ຈັງຫວະເຕີບໂຕຂອງGDPທີ່ສະເລ່ຍຕໍ່ປີໄດ້ບັນລຸ17%,ເປັນອັນດັບທີ1ໃນທົ່ວປະເທດ.
|
|
|
