|
|
 |
| (GMT+08:00)
2007-07-31 19:54:09
|
 |
|
ກວາງຊີອົບຮົມຜູ້ມີຄວາມຮູ້ຄວາມສາມາດໃຫ້ປະເທດອາຊຽນ
cri
Author: mo
ຕາມຂ່າວສານຈີນ: ວັນທີ 31 ກໍລະກົດນີ້, ຢູ່ເມືອງນານນິງເຂດກວາງຊີຂອງຈີນ, ໄດ້ຈັດພິທີຮຽນຈົບຊຸດອົບຮົມຊັ້ນສູງຂອງພະນັກງານຊາວໜຸ່ມສາກົນຊຸດທິ 8 ຄືຊຸດພະນັກງານລາວແລະເປີດຊຸດອົບຮົມຊັ້ນສູງຂອງພະນັກງານຊາວໜຸ່ມສາກົນຊຸດທີ 9ຄືຊຸດພະນັກງານກຳປູເຈຍແລະມຽນມາ.
ໃນພິທີດັ່ງກ່າວ, ທ່ານນີຈ້ຽນ ຫົວໜ້າຄະນະພົວພັນກັບຕ່າງປະເທດຂອງສູນກາງຄະນະຊາວໜຸ່ມຈີນໄດ້ສະແດງຄວາມປາຖະໜາອັນແຮງກ້າທີ່ເພີ່ມທະວີການແລກປ່ຽນຜູ້ມີຄວາມຮູ້ຄວາມສາມາດກັບອາຊຽນ.
ຫົວໜ້າຄະນະຜູ້ແທນລາວໄດ້ກ່າວວ່າ, ໃນໄລຍະຢູ່ຈີນທີ່ເປັນເວລາ 2 ເດືອນ, ບໍ່ພຽງແຕ່ໄດ້ຮຽນເສດຖະກິດ ການຕ່າງປະເທດ ແລະການສ້າງສາທໍ່ນັ້ນ, ຍັງໄດ້ໄປທັດສະນະສຶກສາຢູ່ປັກກິ່ງແລະແຫ່ງອື່ນໆຂອງຈີນ, ໄດ້ສຳຜັດກັບວັດທະນະທຳຈີນແລະການພັດທະນາຂອງເສດຖະກິດຈີນໂດຍຕົນເອງ, ຂ້າພະເຈົ້າຈະນຳເອົາຄວາມຮູ້ແລະບົດຮຽນອັນລ້ຳຄ່າກັບເມືອລາວ, ເພື່ອປະກອບສ່ວນຫຼາຍກວ່າເກົ່າເຂົ້າໃນການຮ່ວມມືດ້ວຍໄມຕີຈິດກັບຈີນທີ່ເປັນປະເທດບ້ານໃກ້ຄຽງ.
ຕາມຊາບວ່າ, ຊຸດອົບຮົບພະນັກງານຊາວໜຸ່ມຊັ້ນສູງສາກົນແມ່ນຈີນແລະປະເທດອາຊຽນຮ່ວມກັນປຶກສາຕົກລົງຈັດຂຶ້ນ ເພື່ອເພີ່ມທະວີມິດຕະພາບແລະການຮ່ວມມືລະຫວ່າງຊາວໜຸ່ມຈີນແລະປະເທດອາຊຽນ, ແລະຊຸກຍູ້ການພົວພັນທີ່ໄວ້ເນື້ອເຊື່ອໃຈກັນລະຫວ່າງປະເທດໃກ້ຄຽງ. ນັບແຕ່ເດືອນກັນຍາປີ 2002 ເປັນຕົ້ນມາ, ເລີ່ມຈັດຂຶ້ນຢູ່ສະຖາບັນແລກປ່ຽນຊາວໜຸ່ມສາກົນກວາງຊີຈີນ, ຈັດຂຶ້ນປີລະເທື່ອ. ປັດຈຸບັນ, ມີເຈົ້າໜ້າທີ່ຊາວໜຸ່ມ 200 ກວ່າຄົນທີ່ມາຈາກລາວ ຫວຽດນາມ ກຳປູເຈຍ ແລະອິນໂດເນເຊຍເປັນຕົ້ນໄດ້ເຂົ້າຮ່ວມການຮໍ່າຮຽນແລະແລກປ່ຽນ.
|
|
|
