|
ຈີນເພີ່ມທະວີການຕິດຕາມຄຸ້ມຄອງຢ່າງຮອບດ້ານເພື່ອໃຫ້ມີອາຫານການກິນທີ່ໄວ້ໃຈໄດ້
cri
ຕາມຂ່າວສານຊິນຮວາ,ປັດຈຸບັນ,ລັດຖະບານຈີນພວມເພີ່ມທະວີການຕິດຕາມຄຸ້ມຄອງຢ່າງຮອບດ້ານ,ເພື່ອໃຫ້ຜູ່ບໍລິໂພກມີອາຫານການກິນທີ່ໄວ້ໃຈໄດ້.
ໃນດ້ານລະບອບອະນຸມັດເຂົ້າຕະຫຼາດ,ກົມໃຫຍ່ຕິດຕາມກວດກາຄຸນນະພາບແລະພະຍາດແຫ່ງຊາດຈີນໄດ້ປະຕິບັດລະບອບກ່ຽວກັບຄຸນນະພາບຂອງອາຫານແລະຜະລິດຕະພັນທີ່ກ່ຽວຂ້ອງກັບອາຫານພ້ອມດ້ວຍການອະນຸມັດເຂົ້າຕະຫຼາດນັ້ນຢ່າງເຄັ່ງຄັດ.ນັບມາຮອດທ້າຍປີກາຍນີ້,ອາຫານການກິນ28ປະເພດ525ຊະນິດລ້ວນແຕ່ໄດ້ປະຕິບັດຕາມລະບອບອະນຸມັດເຂົ້າຕະຫຼາດ.
ພ້ອມກັນນັ້ນ,ໃນ6ເດືອນຕົ້ນປີນີ້,ກົມໃຫຍ່ຕິດຕາມກວດກາຄຸນນະພາບແລະພະຍາດແຫ່ງຊາດຈີນໄດ້ດຳເນີນການຕິດຕາມກວດກາ ຕໍ່ຜະລິດຕະພັນອາຫານ ຂອງວິສາຫະກິດ3000ກວ່າແຫ່ງໃນທົ່ວປະເທດ,ເຊິ່ງໄດ້ກວດກາອາຫານ 21ປະເພດເຊັ່ນຜະລິດຕະພັນຊີ້ນ,ຜະລິດຕະພັນນົມ,ແລະຜະລິດຕະພັນໄຂ່ເປັນຕົ້ນ,ແລະໄດ້ເປີດເຜີຍອາຫານການກິນທີ່ບໍ່ໄດ້ມາດຕະຖານ.
ໃນຫຼາຍປີມໍ່ໆມານີ້,ອັດຕາໄດ້ມາດຕະຖານຂອງອາຫານທີ່ເປັນຜະລິດຕະພັນສົ່ງອອກຂອງຈີນລ້ວນແຕ່ຢູ່ໃນລະດັບ99%ຂຶ້ນໄປ.
|
|
