|
ຝ່າຍຈີນກ່າວວ່າ,ການຊ້ມລົບຮ່ວມຕ້ານການກໍ່ການຮ້າຍທີ່ມີຊື່ວ່າ"ພາລະກຳສັນຕິພາບ-2007"ບໍ່ແນໃສ່ປະເທດອື່ນ
cri
Author: da
ຕາມຂ່າວສານຊິນຮວາ:ວັນທີ6ສິງຫານີ້ ເຈົ້າໜ້າທີ່ກະຊວງປ້ອງກັນປະເທດຈີນກ່າວວ່າ,ການຊ້ມລົບຮ່ວມຕ້ານການກໍ່ການຮ້າຍທີ່ມີຊື່ວ່າ"ພາລະກຳສັນຕິພາບ-2007" ເຊິ່ງແມ່ນກອງປະກອບອາວຸດຂອງປະເທດສະມາຊິກອົງການຮ່ວມມືຊຽງໄຮ້ຈັດຂຶ້ນນັ້ນບໍ່ແນໃສ່ປະເທດອື່ນ.
ໃນເວລາໃຫ້ສຳພາດຕໍ່ນັກຂ່າວ ພົນຕີຊຽນລີ້ຮວາ ຮອງຜູ່ກຳກັບການຊ້ອມລົບຂອງຝ່າຍຈີນ ຮອງຫົວໜ້າຫ້ອງການວຽກງານຕ່າງປະເທດກະຊວງປ້ອງກັນປະເທດກ່າວວ່າ,ການຊ້ອມລົບຮ່ວມເທື່ອນີ້ແມ່ນການເຄື່ອນໄຫວອັນສຳຄັນທີ່ປະເທດສະມາ ຊິກຕ່າງໆພ້ອມກັນຮັບມືກັບການຂົ່ມຂູ່ໃໝ່ແລະການທ້າທາຍໃໝ່,ປົກປັກຮັກສາຄວາມໝັ້ນຄົງແລະສະຖຽນລະພາບຂອງພາກພື້ນ ຊຸກຍູ້ໃຫ້ພ້ອມກັນພັດທະນາແລະຈະເລີນຮຸ່ງເຮືອງ,ໂຈມຕີແລະນາບຂູ່ລັດທິກໍ່ການຮ້າຍ ລັດທິແບ່ງແຍກ ແລະລັດທິຫົວຮຸນແຮງ.ການຊ້ອມລົບບໍ່ແນໃສ່ປະເທດອື່ນ,ບໍ່ກ່ຽວຂ້ອງກັບຜົນປະໂຫຍດຂອງປະເທດອື່ນໆນອກຈາກປະເທດສະມາຊິກອົງການຮ່ວມມືຊຽງໄຮ້.
ທ່ານກ່າວວ່າ,ໂດຍຜ່ານການຊ້ອມລົບຕ້ານການກໍ່ການຮ້າຍໂດຍສອງຝ່າຍຫຼືຫຼາຍຝ່າຍ,ກຳລັງປະກອບອາວຸດຂອງປະເທດສະມາຊິກຕ່າງໆໄດ້ຍົກສູງຄວາມສາມາດຂອງການຮ່ວມກັນຮັບມືກັບການຂົ່ມຂູ່ໃໝ່ແລະການທ້າທາຍໃໝ່,ຍົກສູງລະດັບເຝິກແອບແລະຄວາມສາມາດປະສານງານ.
|
|
